Upplýsingatækni í þágu rannsókna – íslenskir rafrænir rannsóknarinnviðir (IREI)
![Upplýsingatækni í þágu rannsókna – íslenskir rafrænir rannsóknarinnviðir (IREI) - á vefsíðu Háskóla Íslands](https://www.hi.is/sites/default/files/styles/efsta_mynd___vi_bur_um/public/1920_kri_stjornmfr_160209_10xxx_2.jpg?itok=wDAXx6Ce)
Aðalbygging
Hátíðasalur
Ráðstefna um IREI (Icelandic research e-infrastructure), íslenskan rafrænan rannsóknarinnviðakjarna, verður haldin 28. nóvember frá 13-16 í Hátíðasal Háskóla Íslands. Á ráðstefnunni verður þjónusta IREI kynnt og notendur deila reynslu sinni. Einnig verður rýnt í framtíðarþróun IREI, sambærileg starfsemi í Danmörku verður kynnt og veitt innsýn inn í EuroCC ofurtölvusamstarfið.
IREI er ætlað að veita vísindasamfélaginu á Íslandi alhliða þjónustu á sviði upplýsingatækni. Allir rannsakendur sem nýta sér upplýsingatækni eru hvattir til að mæta á ráðstefnuna.
Fyrirlestrum og umræðum verður streymt.
Ráðstefnan fer fram á ensku.
Þjónusta IREI felst í:
- móttöku, varðveislu og miðlun vísindagagna m.a. í opnum aðgangi,
- reikniafli fyrir stórar reikniaðgerðir,
- ráðgjöf varðandi notkun upplýsingatækni
IREI er samstarf fjölmargra háskóla og rannsóknastofnana á Íslandi og styrkt af Innviðasjóði í gegnum Vegvísi um Rannsóknarinnviði.
Dagskrá
13:00 Opnun - Jón Atli Benediktsson, rektor HÍ
13:10 IREI á 10 mínútum, hvað er það og hvernig nýtist það rannsakendum? - Guðmundur H. Kjærnested, sviðsstjóri Upplýsingatæknisviðs HÍ
13:20 Reynslusögur af rafræna rannsóknarinnviðunum IREI
- Hans Tómas Björnsson, prófessor við Læknadeild HÍ
- Gro Birkefeldt Møller Pedersen sérfræðingur við Jarðvísindastofnun og Melissa Anne Pfeffer, sérfræðingur á Veðurstofu
- Jón Elvar Wallevik, sérfræðingur á Veðurstofu
- Gianluca Levi, nýdoktor við Eðlisvísindastofnun
- Henning Arnór Úlfarsson, deildarforseti Tölvunarfræðideildar HR
14:10 Kaffihlé
14:30 Framtíð IREI - Guðmundur H. Kjærnested, sviðsstjóri Upplýsingatæknisviðs HÍ
14:40 Rafrænir rannsóknainnviðir í Danmörku - Gitte Julin Kudsk
15:10 Gagnís - Kjartan Ólafsson, sérfræðingur við Félagsvísindastofnun
15:20 EuroCC - Morris Riedel, prófessor við Iðnaðarverkfræði-, vélaverkfræði- og tölvunarfræðideild HÍ
15:30 Umræður
Fundarstjóri: Ingibjörg Gunnarsdóttir, aðstoðarrektor vísinda, HÍ
Ráðstefnan er haldin í samstarfi IREI, EuroCC2 verkefnisins (www.ihpc.is) og Miðstöðvar stafrænnar nýsköpunar EDIH-IS (https://edih.is/).
IREI er ætlað að veita vísindasamfélaginu á Íslandi alhliða þjónustu á sviði upplýsingatækni. Allir rannsakendur sem nýta sér upplýsingatækni eru hvattir til að mæta á ráðstefnuna.
![Upplýsingatækni í þágu rannsókna – íslenskir rafrænir rannsóknarinnviðir (IREI)](https://www.hi.is/sites/default/files/styles/mynd___kassa_fyrir_fr_ttir_/public/vidburdir/5prkg.jpg?itok=Z1euNOyC)