Inntökupróf 2025
Inntökupróf í læknisfræði, sjúkraþjálfunarfræði og tannlæknisfræði verður haldið fimmtudaginn 5. júní og föstudaginn 6. júní 2025. Prófið er staðpróf sem lagt verður fyrir í rafræna prófakerfinu INSPERA.
Prófstaðir: Háskólinn á Akureyri og Háskóli Íslands - Háskólatorg, Gimli, Eirberg, Árnagarður og Aðalbygging (sérúrræði)
Próftakar munu fljótlega fá tölvupóst með frekari upplýsingum um borð- og prófnúmer en einnig verða listar hengdir upp á prófstað.
Mæting í prófstofu: kl. 8:25 báða dagana
Próftakar skulu vera mættir á prófstað 20 mínútum fyrir fyrstu próflotu báða dagana (mæting skráð og finna borðið sitt).
Próftími: kl. 08:45-17:15 báða dagana
ATHUGIÐ Skipulag prófsins og fyrirmæli til próftaka
ATHUGIÐ eftirfarandi:
- að taka með þér skilríki með mynd.
- að reiknivélum verður úthlutað á prófstað.
- að símar og önnur rafeindatæki (s.s. I-pad, snjallúr o.þ.h.) eru ekki leyfð inn í prófstofum.
- að ekki má taka yfirhafnir, töskur, pennaveski o.s.frv. með inn í prófstofu.
- að á borðum á ekkert að vera nema blýantur, strokleður, yddari og reiknivél frá Læknadeild. Óheimilt er að mæta með eigin skriffæri og reiknivélar í prófið.
- að gefa prófgæslufólki merki ef þú þarft að fara á salernið.
- að ekki má yfirgefa prófstofu fyrr en minnst 60 mínútur eru liðnar af hverri próflotu.
- að óheimilt er að taka nokkurn hluta prófgagna með sér úr stofunni, þar með talin rissblöð.
Mikilvægar dagsetningar
Hér má finna lista yfir mikilvægar dagsetningar tengdar inntökuprófinu ásamt frekari upplýsingum. Umsækjendum er bent á að skráning í inntökuprófið er strangt og nákvæmt ferli og nauðsynlegt er að virða uppgefna tímafresti til að tryggja próftökurétt!
Þessi upplýsingasíða verður næst uppfærð eftir að prófi loknu.
Vinsamlegast hafðu samband við skrifstofu Læknadeildar í síma 525 4899 eða á netfang medicine@hi.is hafir þú fyrirspurnir eða athugasemdir.