Vísindagarðar Háskóla Íslands ehf. er félag í 94,6% eigu Háskólans og 5,4% í eigu Reykjavíkurborgar. Félagið var stofnað til að efla samstarf fyrirtækja, rannsóknastofnana og háskóla um nýsköpun og skapa aðstöðu fyrir frumkvöðla. Vísindagarðar eru í Vatnsmýri, sunnan við Sturlugötu. Fyrirmyndin að Vísindagörðum er sótt til Evrópu og Bandaríkjanna, þar sem uppbygging vísindagarða hefur verið hröð. Rannsóknir sýna að samstarf atvinnulífs og háskóla á sviði tækni og vísinda með nýsköpun að markmiði skilar góðum árangri ef slíkri miðstöð nýsköpunar er fundin staður nálægt öflugum háskóla. Á Vísindagörðum eru yfir 500 stúdentaíbúðir, fjöldi sprotafyrirtækja auk stærri aðila á sviði upplýsingatækni, líftækni og skapandi greina. Til framtíðar er stefnt að því að fá inn fyrirtæki í orku- og sjálfbærnigeirunum. Í hönnun svæðisins er litið til sjálfbærni, til dæmis í samgönguáætlun, vali á byggingarefnum og með blágrænum ofanvatnslausnum. Tilgangur, hlutverk og markmið Tilgangur félagsins, samkvæmt samþykktum, er að efla vísindarannsóknir og nýsköpun með því að skapa kjöraðstæður til slíks í vísindagörðum á lóð Háskóla Íslands. Hlutverk Vísindagarða er að vera alþjóðlega viðurkenndur vettvangur tækni- og þekkingarsamfélags á Íslandi. Markmiðið er að taka virkan þátt, hlúa að og tengja saman: Frumkvöðla Fyrirtæki Háskóla Stofnanir Aðra hagsmunaaðila Einnig er markmið að vinna að því að stórefla hagnýtingu rannsókna, nýsköpun og viðskiptaþróun til hagsældar og heilla fyrir land og þjóð. Samstarfsaðilar Vísindagarðar Háskóla Íslands er samfélag aðila sem hafa það sameiginlega markmið að stapa kjöraðstæður fyrir rannsóknir og nýsköpun á Íslandi. Meðal samstarfsaðila auk Háskóla Íslands eru: Íslensk erfðagreining Alvotech hf. Alvogen ehf. CCP hf. Lífvísindasetur Háskóla Íslands ArcticLAS ehf. Nánari upplýsingar Allar nánari upplýsingar veita Hrólfur Jónsson og Þórey Einarsdóttir hjá Vísindagörðum Háskóla Íslands Netföng hrolfur@visindagardar.is thorey@visindagardar.is Tenglar Vísindagarðar Háskóla Íslands Kynningarefni Deiliskipulag fyrir Vísindagarða facebooklinkedintwitter
