Nemendur Háskóla Íslands eiga kost á að sækja um Erasmus+ styrk til starfsþjálfunar eða rannsóknarvinnu í háskólum, fyrirtækjum eða stofnunum í Evrópu. Þetta er einstakt tækifæri á að öðlast alþjóðlega starfsreynslu sem getur komið sér vel síðar meir. Ávinningur starfsþjálfunar Hagnýt starfsreynsla í alþjóðlegu umhverfi Möguleiki á að fá starfsþjálfunina metna sem hluta af náminu við Háskólann, hluta af lokaverkefni eða skráða í skírteinisviðauka Starfsþjálfun sem brú milli brautskráningar úr háskóla og fyrsta starfs þar sem mögulegt er að fara í starfsþjálfun að lokinni brautskráningu Lengd dvalar Dvölin þarf að standa yfir í að lágmarki tvo mánuði og að hámarki í tólf mánuði Einnig er möguleiki á styttri dvölum eða í 5-30 daga Ef farið er í starfsþjálfun að loknu námi þarf að sækja um áður en nemandi brautskráist frá Háskóla Íslands og ljúka þarf starfsþjálfuninni innan sex mánaða frá brautskráningu. Nemendur sem eru að brautskrást verða að sækja um styrkinn eigi síðar en tveimur mánuðum fyrir brautskráningu. Ferða- og dvalarstyrkir Upphæð styrkja fer eftir áfangastað og lengd dvalar (athugið að upphæðirnar geta verið breytilegar eftir skólaárum). Ferðastyrkur: 275-820 evrur Styttri dvöl (5-30 dagar): 70 evrur á dag fyrstu 14 dagana, síðan 50 evrur á dag Lengri dvöl (2-12 mánuðir): 640-690 evrur á mánuði Nemendur sækja um Erasmus+ styrk til starfsþjálfunar hjá Alþjóðasviði HÍ. Umsóknir Nemendur sjá sjálfir um að finna starfsþjálfunarstað og fá staðfestingu á dvöl. Hægt er að: Hafa samband beint við háskóla, fyrirtæki eða stofnanir Sækja um í gegnum auglýsta starfsþjálfun, t.d. í gagnagrunnum fyrirtækja sem halda úti vefsíðum með starfsþjálfunarmöguleikum Nýta sér upplýsingar og tækifæri sem Alþjóðasvið vekur sérstaka athygli á Þegar nemendur hafa fengið vilyrði um starfsþjálfun er næsta skref að sækja um Erasmus+ styrk til starfsþjálfunar Umsóknarfrestur um Erasmus+ styrki Almennur umsóknarfrestur: 1. apríl ár hvert (eða næsta virka dag ef umsóknarfrestur er á almennum frídegi) Heimilt er að sækja um eftir auglýstan umsóknarfrest en þeir sem sækja um fyrir 1. apríl hafa forgang við úthlutun styrkja Nemendur sem eru að brautskrást verða að sækja um styrkinn eigi síðar en tveimur mánuðum fyrir brautskráningu. Ekki er tekið á móti umsóknum um styrkinn ef sótt er um eftir þann frest facebooklinkedintwitter
