Námsaðstaða á Hugvísindasviði

Kennsla fer að mestu fram í Aðalbyggingu, Árnagarði, Eddu, Háskólatorgi, Háskólabíói og Veröld.

• Á Háskólatorgi er stórt lesrými með lesbásum. Auk þess er góð aðstaða til hópavinnu á torginu sjálfu.
• Á 1. hæð í Gimli eru lesstofur fyrir grunnnema og framhaldsnema
• Á 2. og 3. hæð í Odda er opið lesrými og aðstaða til hópavinnu.
• Á 2. hæð í Eddu er lesstofa.

Upplýsingatæknisvið Háskóla Íslands rekur fjórtán tölvuver á háskólasvæðinu, þar á meðal í Árnagarði, Gimli, Háskólatorgi, Odda og Veröld.

Í öllum tölvuverum er prentari og á tölvunum er margvíslegum hugbúnaður.

Veitingastaðurinn Háma er á torginu í Háskólatorgi. Þar geta nemendur fengið heitan mat í hádeginu en auk þess er alltaf boðið upp á heita súpu og margar gerðir af samlokum og köldum réttum. Kaffi, te og allskyns drykkir eru líka fáanlegir þar. Matseðil Hámu má nálgast á fs.is. 

Nemendur Hugvísindasviðs hafa aðgang að Landsbókasafni Íslands – Háskólabókasafni. Þar er að finna fjölda bóka, tímarita, dagblaða og rafrænna gagna. Lestrar- og vinnuaðstaða er á fjórum hæðum safnsins.

Nemendur Háskóla Íslands fá bókasafnsskírteini án endurgjalds. Það fæst við útlánaborð á 2. hæð safnsins gegn framvísun persónuskilríkja. Nauðsynlegt er að hafa bókasafnsskírteini til þess að fá rit að láni, taka frá rit sem er í láni, panta millisafnalán, endurnýja lán o.fl.

Fjöldi fyrirtækja býður nemendum og kennurum ljósritunarþjónustu. Háskólaprent er fyrirtæki á Háskólasvæðinu sem hefur sérhæft sig í að þjónusta háskólafólk. Það gefur út greinasöfn og frumsamdar kennslubækur fyrir námskeið við HÍ og vinnur lokaritgerðir fyrir nemendur Háskóla Íslands. Fyrirtækið tekur einnig að sér fjölda smærri verka fyrir nemendur, kennara og stofnanir, t.a.m. bæklinga, ritgerðir, bækur, OCR skönnun o.s.frv. Háskólaprent er staðsett að Fálkagötu 2, á horninu á Fálkagötu og Suðurgötu.

Auk þess eru ljósritunarvélar fyrir nemendur Hugvísindasviðs í Þjóðarbókhlöðu og á 2. hæð í Odda.