Tengslatorg er samstarfsvettvangur sem eflir tengsl Háskóla Íslands við samfélagið, atvinnulífið og hið opinbera í samræmi við stefnu skólans HÍ26. Háskólinn býður fyrirtækjum og stofnunum að auglýsa endurgjaldslaust eftir starfskröftum með háskólamenntun á Tengslatorginu. Háskóli Íslands á í samvinnu við atvinnulífið og hið opinbera um að fjölga tækifærum til starfsþjálfunar fyrir nemendur. Fyrirtæki, stofnanir og aðrir aðilar í atvinnulífinu sem hafa áhuga á að taka þátt í eflingu starfsþjálfunar við HÍ geta haft samband í gegnum netfangið starfsthjalfun@hi.is Lýdía Kristín Sigurðardóttir er verkefnisstjóri Tengslatorgs HÍ, hægt er að hafa samband við hana með tölvupósti á tengslatorg@hi.is og í síma 525-4316. Samstarf við atvinnulífið Með atvinnuauglýsingum ná atvinnurekendur til um 15.000 stúdenta á öllum stigum háskólanáms. HÍ útskrifar stúdenta þrisvar á ári sem gerir það að verkum að framboð er allt árið um kring af einstaklingum sem hafa lokið háskólagráðu. Jafnframt býður notkun Tengslatorgs upp á tækifæri til aukins samstarfs á milli háskólans, rannsakenda og atvinnulífs sem getur leitt til nýsköpunar og þróunar. Háskóli Íslands, í samvinnu við atvinnulífið og hið opinbera, vinnur að því að fjölga tækifærum til starfsþjálfunar fyrir nemendur. Í starfsþjálfun tekst nemandinn á við að raungera þekkingu, færni og hæfni undir handleiðslu sérfræðinga í atvinnulifinu. Fyrirtæki, stofnanir og aðrir aðilar í atvinnulífinu sem hafa áhuga á að taka þátt í eflingu starfsþjálfunar við Háskóla Íslands geta haft samband í gegnum netfangið starfsthjalfun@hi.is facebooklinkedintwitter
