Skip to main content
Forsíða
Forsíða

Rannsóknaháskóli verður til

Rannsóknarháskóli verður til - á vefsíðu Háskóla Íslands

Rannsóknaháskóli verður til er ný hlaðvarpsröð, byggð á viðtölum við rúmlega 60 akademíska starfsmenn Háskóla Íslands sem voru við störf á síðasta þriðjungi 20. aldar. Í 30 hlaðvörpum má heyra frásagnir af öllum fræðasviðum Háskóla Íslands þar sem m.a. er fjallað um starfsaðstæður, kennsluhætti og rannsóknir. Tilgangurinn er að  varpa ljósi á það hvernig Háskólinn efldist sem rannsóknaháskóli á síðustu áratugum 20. aldar og fram yfir aldamótin 2000. Í viðtölunum er þessi merkilega uppbyggingarsaga sögð frá sjónarhóli vísindamannanna sjálfra og fæst þannig ómetanleg, persónuleg sýn á þróun vísindastarfs í Háskólanum. Viðtölunum er m.a. ætlað að glæða áhuga og skilning almennings á starfi Háskólans og framlagi hans til vísinda á Íslandi.

allir vidmaelendur

Aðstandendur verkefnisins eru Guðmundur Jónsson, fyrrverandi prófessor í sagnfræði, og Leifur Reynisson, sagnfræðingur og verkefnisstjóri hjá Miðstöð munnlegrar sögu í Landsbókasafni – Háskólabókasafni. Verkefnið er unnið í samvinnu við Miðstöð munnlegrar sögu og með stuðningi Háskóla Íslands. Viðmælendur voru valdir í samráði við fræðasvið Háskólans og var leitast við að þeir kæmu úr öllum þeim fræðigreinum sem kenndar voru í Háskólanum eftir 1970 og fram um aldamót.

Nálgast má hlaðvörpin hér að neðan.