Erasmus+ styrkir fyrir doktorsnema

• Í skiptinámi taka nemendur námskeið til ECTS eininga við einhvern samstarfsskóla HÍ og fá einingarnar metnar til baka. Aðeins er hægt að sækja um skiptinám þar sem HÍ er nú þegar með samstarfssamning á doktorsstigi. Miðað er við að nemendur séu í fullu námi (30 ECTS) á misseri. 
• Skiptinám er 1-2 misseri við móttökustofnun. 
• Nemendur fylgja leiðbeiningum um umsóknir um skiptinám  

• Doktorsnemar geta sótt um styrk til að stunda rannsóknir sem tengjast lokaverkefni þeirra hjá háskólum, fyrirtækjum eða stofnunum. Ekki þarf samstarfssamning á milli HÍ og móttökustofnunar en ef heimsækja á háskóla þá verður hann að vera með Erasmus+ vottun.  
• Rannsóknarvinna getur bæði verið til lengri tíma (2-12 mánuðir) eða styttri dvöl (5-30 dagar). 
• Nemendur fylgja leiðbeiningum um umsóknir um starfsþjálfunarstyrk: linkur

• Doktorsnemar geta farið í hefðbundna starfsþjálfun hjá fyrirtækjum, stofnunum eða háskólum þar sem hægt er að öðlast verðmæta reynslu fyrir atvinnulífið eftir útskrift 
• Hefðbundin starfsþjálfun getur verið til lengri tíma (2-12 mánuðir) eða styttri dvöl (5-30 dagar) 
• Nemendur fylgja leiðbeiningum um umsóknir um starfsþjálfunarstyrk: linkur

• Doktorsnemar geta sótt styttri námskeið við einhvern af samstarfsskólum HÍ. Aðeins er hægt að sækja um Erasmus+ styrk fyrir námskeiði við skóla þar sem HÍ er nú þegar með samstarfssamning. 
• Stutt námskeið eru 5-30 dagar í staðnámi erlendis. Hægt er að sækja blönduð námskeið sem eru einnig með rafrænan hluta.  
• Ef námskeiðið er blandað hraðnámskeið (Blended Intensive Programme – BIP) er skylda að doktorsnemar ljúki bæði rafrænum hluta námskeiðsins og staðlotu. 
• Nemendur fylgja leiðbeiningum um umsóknir um stök námskeið. 

• Doktorsnemar geta sótt um Erasmus+ styrk vegna þátttöku á ráðstefnum. 
• Þegar sótt er um styrk fyrir ráðstefnu þá verður nemandi að vera virkur þátttakandi með erindi eða veggspjald, og móttökustofnunin verður að vera tilbúin að taka á móti nemandanum, skrifa undir starfsþjálfunarsamning, og styðja við dvöl nemanda eins og tekið er fram í starfsþjálfunarsamningi sem er undirritaður af nemanda, HÍ og móttökuaðila.  
• Dvölin verður að vera að lágmarki 5 dagar. 
• Nemendur fylgja leiðbeiningum um umsóknir um stutta starfsþjálfun. 

• Doktorsnemar geta brúað bilið á milli náms og starfs og sótt um að fara í Erasmus+ starfsþjálfun við háskóla, fyrirtæki, eða stofnanir eftir útskrift. 
• Nemendur verða að sækja um a.m.k tveimur mánuðum fyrir útskrift. 
• Nemendur geta að hámarki fengið styrk fyrir 6 mánuði og verða að byrja og ljúka dvöl innan 6 mánaða frá útskrift.  
• Dvölin getur verið til lengri tíma (2-12 mánuðir) eða styttri dvöl (5-30 dagar) 
• Nemendur fylgja leiðbeiningum um umsóknir um starfsþjálfunarstyrk: linkur

Doktorsnemar geta fengið Erasmus+ styrk í samtals 12 mánuði (360 daga). Hægt er að fá styrk oftar en einu sinni en doktorsnemar geta aðeins fengið styrk fyrir 1 styttri dvöl (5-30 daga) á misseri, samtals 5 sinnum á námstímanum. 

Styrkupphæðir 

Upphæð styrkja fer eftir áfangastað og lengd dvalar. Upphæðir geta verið breytilegar eftir skólaárum. 

• Ferðastyrkur er 309-1188 evrur 
• Styrkur fyrir styttri dvalir (5-30 dagar) er 79 evrur á dag fyrstu 14 dagana, síðan 56 evrur á dag 
• Styrkur fyrir lengri dvalir (2-12 mánuðir) er 550-606€ á mánuði í skiptinámi og  700-756 €  á mánuði í starfsþjálfun 
• Nemendur geta einnig sótt um Erasmus+ inngildingarstyrki. Ef nemendur mæta viðmiðum Landskrifstofu Erasmus+ vegna færri tækifæra geta þeir t.d. sótt um viðbótarstyrk sem nemur 250 evrum á mánuði.  
• Hægt er að sækja um viðbótarferðastyrk til Alþjóðasviðs ef sýnt þykir að ferðastyrkur nægi ekki fyrir 70% af ferðakostnaði, miðað við hagkvæmasta ferðamátann.  
• Sýni þátttakandi fram á að aðalferðamáti ferðarinnar hafi verið vistvænn (miðað við fjölda kílómetra) er veittur hærri ferðastyrkur, frá 56-1735€.