Efst á baugi: fyrirlestraröð Menntavísindasviðs 2025 - 2026

Í ljósi þess að menntamál hafa verið mikið til umræðu að undanförnu ýtir Menntavísindasvið HÍ úr vör fyrirlestraröðinni Efst á baugi: fyrirlestraröð Menntavísindasviðs 2025 - 2026. Rannsakendur og sérfræðingar úr fjölbreyttum áttum innan menntavísinda stíga á stokk og veita innsýn í mikilvæg viðfangsefni samfélagsins. Á meðal viðfangsefna er farsæld barna, gæði kennslu, heilsa og fleira.

Stefnt er að því að halda einn fyrirlestur í mánuði og er hver viðburður 90 mínútur. Fyrirlestrarnir fara fram kl. 15:00 - 16:30 flestir í stofu 114 í Sögu. Hver viðburður hefst á ávarpi, erindi sérfræðings og endað er á umræðum. Fyrsti fyrirlestur var haldinn 16. október 2025 og mun síðasti fyrirlestur fara fram í maí 2026 og eru því sex talsins.

Efst á baugi: fyrirlestraröð Menntavísindasviðs 2025 - 2026

Hvað skiptir máli fyrir farsæld barna? - 16. október 2025

Hlekkur á upptöku af viðburði hér

Dr. Anne Edwards, prófessor emerita í menntunarfræði við háskólann í Oxford heldur erindið: Lærdómur af þverfaglegu samstarfi sem styður við farsæld barna fimmtudaginn 16. október kl. 14:30 - 16:00 í stofu S-114 í Sögu.

Erindi Anne Edwards er hið fyrsta í fyrirlestrarröð Menntavísindasviðs, Efst á baugi og er samstarfsverkefni Farsældarnets Félagsvísindasviðs HÍ og Menntavísindasviðs.

Dagskrá

Ragnheiður Hergeirsdóttir, lektor í félagsráðgjafardeild býður fólk velkomið fyrir hönd Farsældarnetsins
Oddný Sturludóttir, doktorsnemi kynnir Anne Edwards
Anne Edwards, prófessor emerita við Oxford Háskóla, Lærdómur af þverfaglegu samstarfi sem styður við farsæld barna
Kolbrún Þ. Pálsdóttir, forseti Menntavísindasviðs leiðir umræður að erindi loknu
Jón Torfi Jónasson, prófessor emeritus flytur samantekt

Að auka gæði kennslu: Reynsla kennara af því að nýta myndupptökur - 13. nóvember 2025

Ráðstefnan, Að auka gæði kennslu: Reynsla kennara af því að nýta myndupptökur, fór fram fimmtudaginn 13. nóvember 2025 í Sögu.

Hlekkur á upptöku af viðburði hér

Kynntar voru helstu niðurstöður rannsóknar- og þróunarverkefnisins: Sjálfbær starfsþróun til að auka gæði náms og kennslu (SÆG) sem beinist að kennsluháttum í íslensku, náttúrufræði og stærðfræði á mið- og unglingastigi grunnskóla. Sextán kennarar í Reykjavík og Múlaþingi hafa rýnt saman í eigin kennslu með hliðsjón af greiningarramma PLATO í eitt skólaár með það að markmiði að bæta gæði kennslu.

Dagskráin var eftirfarandi:

kl. 13:00 - 13:15
Setning og kynning á SÆG-verkefninu: Anna Kristín Sigurðardóttir, prófessor við Menntavísindasvið

kl. 13:15 - 14:00
Helstu niðurstöður SÆG-verkefnisins: Berglind Gísladóttir dósent, Edda Elísabet Magnúsdóttir lektor, Helga Birgisdóttir lektor og Svava Pétursdóttir dósent, allar við Menntavísindasvið HÍ

kl. 14:00 - 14:30
Að bæta gæði kennslu - Sjónarhorn kennara: Drífa Guðmundsdóttir kennari í Hagaskóla og Inga Rut Gunnarsdóttir kennari í Laugarnesskóla
Að bæta gæði kennslu - Sjónarhorn kennara: Arna Magnúsdóttir, kennari í Seyðisfjarðarskóla og Margrét Guðgeirsdóttir Fellaskóla í Fellabæ

kl. 14:30 - 15:00 Kaffi

kl. 15:00 - 16:00
Málstofur: Að þróa og efla gæði kennslu - frá kennara til kennara
a. Íslenskukennsla: Helga Birgisdóttir, lektor við MVS, Áslaug E. Antonsdóttir og Bergþór Ólafsson, kennarar í Selásskóla, Fjóla M. Hrafnkelsdóttir kennari í Egilsstaðaskóla og Þórey Eiríksdóttir kennari í Brúarárskóla
b. Náttúrufræðikennsla: Edda Elísabet Magnúsdóttir, lektor við MVS, Drífa Guðmundsdóttir, kennari í Hagaskóla, Guðbjörg Íris Atladóttir, kennari í Rimaskóla, Hlín Stefánsdóttir, kennari í Egilsstaðaskóla, Kristbjörg Halldórsdóttir, kennari í Melaskóla, Margrét Guðgeirsdóttir, kennari í Fellaskóla Múlaþingi og Þórhildur Heimisdóttir, kennari í Fellaskóla Reykjavík
c. Stærðfræðikennsla: Berglind Gísladóttir, dósent við MVS, Agnes E. Sigurjónsdóttir og Ingrid Marie Person, kennarar í Laugalækjarskóla, Arna Magnúsdóttir, kennari í Seyðisfjarðarskóla, Inga Rut Gunnarsdóttir, kennari í Lauganesskóla, Karen Sveinsdóttir, kennari í Djúpavogsskóla og Stein Olav Romslov, kennari í Hagaskóla

Í ljósi þess að menntamál hafa verið mikið til umræðu að undanförnu ýtir Menntavísindasvið HÍ úr vör fyrirlestraröðinni Efst á baugi: fyrirlestraröð Menntavísindasviðs 2025 - 2026. Rannsakendur úr fjölbreyttum áttum innan Menntavísindasviðs stíga á stokk og veita innsýn í kraumandi rannsóknir sínar innan menntavísinda. Á meðal viðfangsefna er farsæld barna, gæði kennslu, heilsa og fleira.

Menntakerfi á tímamótum - alþjóðlegar áskoranir og tækifæri | 2024 - 2025

Future Fusion: Unleashing Creativity and Skills for Tomorrow´s Education - 6. nóvember 2024

Fyrsta erindið – Future Fusion: Unleashing Creativity and Skills for Tomorrow´s Education (Sköpun og heildstæð hæfni fyrir menntun framtíðar) var flutt miðvikudaginn 6. nóvember í Hátíðarsal aðalbyggingar HÍ. Þar steig á stokk dr. Anne Bamford, gestaprófessor við Menntavísindasvið HÍ og vel þekktur sérfræðingur og leiðtogi á sviði menntunar frá Ástralíu. Bamford vann að umfangsmikilli úttekt á stöðu listkennslu á Íslandi árin 2009 til 2010 og hefur frá 2022 starfað sem ráðgjafi og gestaprófessor við Menntavísindasvið HÍ. Hún hefur einnig um árabil starfað sem ráðgjafi á sviði skapandi skólastarfs og listkennslu fyrir UNESCO og OECD. Nánar um viðburðinn hér

Dagskrá:

15.00-15.10 - Kolbrún Þ. Pálsdóttir, forseti Menntavísindasviðs - Opnunarávarp

15.10-15.50 - Anne Bamford - Future Fusion: Unleashing Creativity and Skills for Tomorrow's Education

15.50-16.10 - Umræður

(Að ósk fyrirlesara var upptaka aðgengileg í þrjár vikur að fyrirlestri loknum.)

What kind of society does the school need? A future for education beyond polarisation - 4. desember 2024

Annað erindið hélt dr. Gert Biesta, menntastefnufræðingur og prófessor í menntunarfræðum við Edinborgarháskóla og Maynooth University á Írlandi hélt erindið Hvers konar samfélag þurfa skólarnir okkar? / What kind of society does the school need? A future for education beyond polarisation í Veröld - húsi Vigdísar, Auðarsal 4. desember.

Upptaka af viðburði

Dagskrá:

15.00 - 15.10 - Eva Harðardóttir, lektor við Menntavísindasvið kynnir Gert Biesta.

15.10 - 15.50 - Gert Biesta - Hvers konar samfélag þurfa skólarnir okkar?

15.55 - 16.15 - Guðrún Ragnarsdóttir, prófessor við Menntavísindasvið stýrir pallborðsumræðum.

Pallborðsumræður: Þórdís Jóna Sigurðardóttir, forstjóri Miðstöð menntunar og skólaþjónustu, Ómar Örn Magnússon, skólastjóri Hagaskóla og doktorsnemi og Ragnar Þór Pétursson, grunnskólakennari og fyrrverandi formaður Kennarasambands Íslands.

16:15 - 16:30 - Umræður

Empowered Educators: An international view of teacher education

Þriðja erindið hélt dr. Karen Hammersness, menntasérfræðingur og yfirmaður menntarannsókna hjá American Museum of Natural History. Hún hélt erindið Empowered Educators: An international view of teacher education (Kennaramenntun í kastljósinu. Hvað er að gerast í öðrum löndum?) fimmtudaginn 20. febrúar kl. 15-16.30 í Hátíðarsal HÍ.

Ásthildur Lóa Þórsdóttir, Mennta- og barnamálaráðherra heldur ávarp í upphafi. Berglind Gísladóttir, dósent við Menntavísindasvið er fundarstjóri og stýrir umræðum að erindi loknu.

Upptaka af viðburði

PISA, fjölbreytt námsmat og framtíð menntunar. - 29. apríl 2025

Dr. Therese Hopfenbeck, prófessor við Melbourne háskóla - Nánar hér

Hollar skólamáltíðir fyrir loftslagið og líðan barna - 13. maí 2025

Dr. Päivi Palojoki, prófessor við Helsinki háskóla og Gautaborgarháskóla - Nánar hér

Upptaka af viðburði

Skóli og nám í víðum skilningi - breytt heimsmynd - 12. júní 2025

Dr. Andreas Schleicher, yfirmaður menntadeildar OECD - Nánar hér

Upptaka af viðburði