Aðstoðarrektor vísinda og þverfræðileika

Rögnvaldur Jóhann Sæmundsson er prófessor í iðnaðarverkfræði við Iðnaðarverkfræði-, vélaverkfræði- og tölvunarfræðideild.

Hann lauk BS-prófi í rafmagnsverkfræði frá Háskóla Íslands árið 1991, MS-prófi í verkfræði frá sama skóla árið 1994 og doktorsprófi í tæknistjórnun frá Chalmers tækniháskólanum árið 2003. Rögnvaldur hóf störf við Háskóla Íslands árið 2014 sem dósent og fékk framgang í stöðu prófessors árið 2019.

Áður starfaði hann m.a. við Háskólann í Reykjavík og þróunardeild Össurar. Samhliða starfi sínu við Háskóla Íslands hefur Rögnvaldur einnig gegnt hlutastöðu vísindamanns við Gautaborgarháskóla.

Undir Rögnvald sem aðstoðarrektor vísinda og þverfræðileika heyra vísindarannsóknir, nýsköpun, stefnu- og gæðamál ásamt þverfræðileika.