Samstarf við Háskóla Íslands

Háskóli Íslands hefur alla tíð verið í margvíslegu samstarfi innan lands sem utan. Innan lands er öflugt samstarf við atvinnulífið og vinna fjölmörg fyrirtæki og stofnanir með Háskólanum.

Vísinda- og nýsköpunarsvið hefur það hlutverk að styrkja tengsl Háskóla Íslands og atvinnulífsins á sviðum rannsókna, nýsköpunar og hæfnisuppbyggingar.

Show Tengsl við atvinnu- og þjóðlíf

Stundakennarar
Fjöldi stundakennara frá 1994. Smellið á töluna (um fjölda stundakennara) í töflunni til að fá nánari sundurliðun.
Kostuð störf
Yfirlit yfir kostuð störf kennara og sérfræðinga í deildum og þau fyrirtæki/stofnanir sem að kostuninni standa. Flokkað eftir árum. Um kostuð störf við Háskóla Íslands gilda almennar reglur háskólans eins og þær eru á hverjum tíma. Akademískur starfsmaður (lektor, dósent, prófessor) sem í hlut á ákveður sjálfur námsefni og efnistök í kennslu og rannsóknum og velur sér viðfangsefni til rannsókna án íhlutunar annarra, innan þess ramma sem deild setur. Um réttindi, skyldur og laun fer eftir lögum og reglum fyrir Háskóla Íslands og gildandi kjarasamningum.
Samstarfsnefnd háskólastigsins
Samstarfsnefnd háskólastigsins er vettvangur samráðs og samstarfs háskólanna um sameiginleg málefni þeirra.
Raunfærnimat á háskólastigi - skýrsla vinnuhóps
Skýrslan var unnin að frumkvæði Háskóla Íslands, í samvinnu við Fræðslumiðstöð atvinnulífsins og Háskólann í Reykjavík. Hún fjallar um stöðu raunfærnimats á háskólastigi í nágrannalöndunum og á Íslandi. Lagðar eru fram tillögur um hvað háskólar hér á landi geti gert til að innleiða raunfærnimat.

Show Hollvinir

Markmið Háskóla Íslands er að byggja upp virkt samband við lykilhagsmunahópa og velunnara skólans, bæði innan lands og utan. Markviss uppbygging hollvinastarfs, og mótun og viðhald öflugra samskipta við velunnara skólans og samfélagið, er mikilvægur þáttur í að vefa sterkt tengslanet fyrir Háskólann í heild. Það sama á við um fræðasviðin fimm og allar deildir skólans.

Samfara tengslabyggingu styrkir hollvinastarfið ímynd skólans m.a. með því að breiða út fregnir af öflugri starfsemi Háskólans í samfélaginu.

Markmiðið er að starfsemi hollvinasamtaka verði afar mikilvægur liður í kynningarstarfi Háskóla Íslands til frambúðar. Tilgangur starfsins er að efla tengsl við fyrrum nemendur og samfélagið og eignast þar með öfluga talsmenn og velunnara Háskólans mjög víða í samfélaginu.

Hollvinastarf Háskóla Íslands hefur verið eflt markvisst með það í huga að treysta betur böndin við núverandi nemendur, brautskráða nemendur skólans og aðra sem vilja veg Háskólans sem mestan. Hugmyndin er að hollvinastarf Háskólans verði margþætt. Auki samhug nemenda innan skólans, nema sem útskrifast og styrki tengsl HÍ við atvinnulífið.

Show Samstarf opinberu háskólanna

Samstarf opinberu háskólanna hófst með formlegum hætti í ágúst 2010.

Markmið verkefnisins eru í fyrsta lagi efling íslenskra háskóla, kennslu og rannsókna, í öðru lagi aukin hagkvæmni í rekstri háskóla og í þriðja lagi að tryggja háskólastarfsemi víða á landinu.

Show Samstarf sviða og deilda