Háskóli Íslands er eigandi KLAK ásamt Origo, Háskólanum í Reykjavík, Nýsköpunarsjóði atvinnulífsins og Samtökum iðnaðarins. Hlutverk Icelandic Startups er að hraða ferlinu við stofnun nýrra fyrirtækja og tengja frumkvöðla og sprotafyrirtæki við sérfræðinga, fjárfestaumhverfið og leiðandi sprotasamfélög erlendis.
Á meðal helstu verkefna félagsins eru Gulleggið sem er árleg frumkvöðlakeppi þar sem meginmarkmið keppninnar er að skapa vettvang fyrir unga frumkvöðla til að öðlast þjálfun og reynslu í mótun nýrra viðskiptahugmynda og rekstri fyrirtækja. Í Gullegginu eru haldnar vinnusmiðjur þar sem farið er yfir lykilþætti í stofnun fyrirtækja og uppbyggingu viðskiptahugmynda. Nemendum Háskóla Íslands og þeim sem hafa útskrifast frá skólanum undanfarin 5 ár stendur til boða að sitja vinnusmiðjur. Háskóli Íslands er einn af bakhjörlum Gulleggsins.
Keppnin er tækifæri fyrir nemendur skólans til að koma hugmyndum sínum á framfæri og gera áætlanir sem miða að stofnun fyrirtækis. Nýsköpunar- og frumkvöðlanefnd Stúdentaráðs situr í verkefnastjórn Gulleggsins.
Gulleggið
Fjöldi hugmynda frá upphafi 2384
Hlutfall stofnaðra fyrirtækja 71%
Hlutfall fyrirtækja enn starfandi 76%
Fjöldi stöðugilda 315
