Velkomin á Menntavísindasvið Móttaka nýnema 2026 Menntavísindasvið Háskóla Íslands býður alla nýnema í grunnnámi velkomna í nám við sviðið dagana mánudaginn 17. ágúst kl. 09:00 - 15:00 og þriðjudaginn 18. ágúst kl. 10:00 - 14:00 Móttakan í ár verður með nýju sniði og er hluti af vinnu Menntavísindasviðs við fyrsta árs upplifun nemenda. Markmiðið er að taka vel á móti nýnemum, hjálpa þeim að kynnast samnemendum, rata betur um námsumhverfið og fá skýrari mynd af því hvernig háskólanám virkar. Við viljum að nemendur fari af stað með betri tilfinningu fyrir því hvert þeir eiga að leita, hvernig námið er byggt upp, hverjir eru með þeim í náminu og að þeir tilheyri samfélagi á Menntavísindasviði. Dagur 1 | Mánudagur 17. ágúst 2026 Námsbrautin sem heimahöfn Fyrri dagurinn hefst í minni hópum eftir námsbrautum. Nýnemar mæta beint í sína heimastofu þar sem þeir hitta samnemendur, kennara eða starfsfólk og eldri nemanda sem tekur þátt í dagskránni. Áhersla dagsins er á: tengslamyndun fyrstu kynni af námsbrautinni væntingar til háskólanáms námsfærni Canvas, Ugla og önnur kerfi stuðning og þjónustu við nemendur Nemendur taka þátt í verkefnum sem hjálpa þeim að kynnast hvert öðru, ræða algengar spurningar um háskólanám og læra hvar þau finna upplýsingar og stuðning. Verkefni dagsins fer fram í gegnum Canvas námskerfið og hjálpar nemendum að kynnast mikilvægum kerfum, þjónustu og námsumhverfi Háskóla Íslands. Nánari upplýsingar um stofu og hóp verða sendar nýnemum þegar nær dregur. Dagur 2 | Þriðjudagur 18. ágúst 2026 Svið, deildir og háskólasamfélagið Seinni dagurinn tengir nemendur betur við Menntavísindasvið, deildirnar, Háskóla umhverfið og félagslíf nemenda. Áhersla dagsins er á að nýnemar: kynnist Menntavísindasviði sem heild fái betri mynd af deildinni sinni og námsbrautinni kynnist þjónustu og stuðningi sem stendur þeim til boða heyri frá nemendafélögum og fulltrúum nemenda styrki tengsl við samnemendur upplifi sig sem hluta af stærra háskólasamfélagi Dagskránni lýkur með verkefnum á námsbrautum þar sem nemendur fá tækifæri til að festa tengslin betur og ræða hvað það þýðir að tilheyra sinni námsbraut. Af hverju nýnemadagar? Fyrstu dagarnir í háskólanámi skipta miklu máli. Nýnemar þurfa að læra á nýtt umhverfi, ný kerfi, nýjar væntingar og nýtt fólk. Móttaka nýnema á Menntavísindasviði byggir á þremur meginstoðum: Tengslamyndun Að nemendur kynnist samnemendum, kennurum, starfsfólki og nemendafélögum. Kerfisfærni Að nemendur læri að nota Canvas, Uglu og önnur mikilvæg kerfi í náminu. Námsfærni Að nemendur fái betri skilning á því hvernig háskólanám virkar, hvernig þau skipuleggja sig og hvert þau geta leitað þegar spurningar vakna. Móttakan er fyrsta skrefið í náminu. Mikilvægt fyrir nýnema Áður en þú mætir á nýnemadagana er gott að hafa gert eftirfarandi: virkjað HÍ-netfangið þitt skráð þig inn í Uglu skoðað stundatöfluna þína skráð þig inn í Canvas þegar þú færð aðgang fylgst með tölvupósti frá Háskóla Íslands lesið upplýsingar sem berast frá námsbrautinni þinni Vinsamlegast notaðu alltaf HÍ-netfangið þitt í samskiptum við háskólann. Canvas og Ugla Canvas er námsumsjónarkerfi Háskóla Íslands. Þar finnur þú upplýsingar um námskeið, verkefni, lesefni og tilkynningar frá kennurum. Ugla er innri vefur Háskóla Íslands. Þar finnur þú meðal annars stundatöflu, námsferil, skráningar og aðrar mikilvægar upplýsingar. Á nýnemadögunum verður lögð áhersla á að hjálpa þér að rata í þessum kerfum og vita hvar þú finnur upplýsingar. Félagslíf og nemendafélög Nemendafélög Menntavísindasviðs taka þátt í móttöku nýnema og kynna félagslíf, viðburði og leiðir til að taka þátt í nemendasamfélaginu. Félagsleg tenging skiptir máli í námi. Það er gott að þekkja einhverja, vita hvert hægt er að leita og upplifa að maður sé ekki einn að byrja. Nánari upplýsingar um nemendafélög og viðburði nemendafélaganna yfir þessa daga verða birtar þegar nær dregur. Þjónusta og stuðningur Ef eitthvað er óljóst er þér velkomið að hafa samband við Menntavísindasvið. Kennsluskrifstofa Menntavísindasviðs Sími: 525 5950 Netfang: mvs@hi.is Þú getur einnig leitað til: Þjónustuborðs HÍ Nemendaskrár Náms- og starfsráðgjafar Nemendaþjónustu HÍ kennara og starfsfólks á námsbrautinni þinni Við viljum að þú vitir hvert þú getur leitað. Það er eðlilegt að hafa spurningar í upphafi náms. Nánari dagskrá Nánari dagskrá fyrir 17. og 18. ágúst verður birt hér þegar nær dregur. Nýnemar fá einnig upplýsingar sendar í HÍ-tölvupósti og í Canvas. ----------------------------------------------------------------------------------------------------------------------------------------------------------- Hér fyrir neðan er myndband frá Kolbrúnu Þ. Pálsdóttur, forseta Menntavísindsviðs Hér að neðan má nálgast gagnlegar upplýsingar fyrir nýnema: Stundatöflur eru í Uglu. Þið notið notendanafn og lykilorð sem sem þið fáið í umsóknagátt á vef HÍ til að komast inn í Uglu. Mikilvægt er að lesa HÍ - tölvupóstinn sinn reglulega. Vinsamlegast notið alltaf HÍ-netföng í samskiptum innan skólans. Allar upplýsingar vegna námsins finnið þið í Uglu. Staðlotur Staðlota I 31. ágúst - 4. september Staðlota II 12. - 16. október Haustmisserispróf 25. nóvember - 9. desember Allar mikilvægustu dagsetningarnar á háskólaárinu er að finna í kennslualmanakinu. Spurt og svarað Finna má svör við algengum spurningum er varða háskólanám HÉR. Allar upplýsingar eru aðgengilegar í Uglu, innri vef Háskólans. Ef þú finnur ekki svarið, er þér velkomið að hafa samband við: Starfsfólk kennsluskrifstofu Þjónustuborð Nemendaskrá Náms- og starfsráðgjafa Hvað er CANVAS? CANVAS er námsumsjónarkerfi Háskólans. Þið finnið svör við flestum spurningum sem snúa að CANVAS HÉR. Félagslíf Kennó - Félag kennaranema Stúdentafélagið Kennó er félag kennaranema. Félagið sér um öflugt félagslíf fyrir félaga sína auk þess sem Kennó á fulltrúa í stjórnsýslu deildarinnar. Síðustu ár hefur Kennó vandað sig við að taka vel á móti nýjum nemendum með nýnemaleikum auk þess sem nýnemar fá ævinlega fulltrúa í stjórn félagsins. Tumi - Félag nemenda í uppeldis- og menntunarfræði, tómstunda- og félagsmálafræði og þroskaþjálfafræði Nemendafélagið Tumi er félag nemenda á tómstunda- og félagsmálafræðibraut, þroskaþjálfabraut og starfstengdu diplómanámi fyrir fólk með þroskahömlun. Tumi heldur úti öflugu félagslífi og gætir hagsmuna nemenda ásamt því að vera málsvari þeirra í Stúdentaráði Háskóla Íslands. Nemendafélagið stendur fyrir viðburðum sem haldnir eru á skólaárinu. Próflokaskemmtanir, vísindaferðir, spilakvöld og fleira er dæmi um þá viðburði sem Tumi stendur fyrir. Vatnið - Félag nemenda í íþrótta- og heilsufræði Nemendafélagið Vatnið er nýtt félag nemenda í íþrótta- og heilsufræði. Vatnið heldur úti öflugu félagslífi og gætir hagsmuni nemenda ásamt því að vera málsvari þeirra í Stúdentaráði Háskóla Íslands. Nemendafélagið stendur fyrir fjölbreyttum viðburðum sem haldnir eru á hverju skólaári. Sviðsráð Sviðsráð Menntavísindasviðs stendur vörð um hagsmuni nemenda, stuðlar að bættri heilsu og líðan stúdenta og vinnur náið með starfsfólki sviðsins að kynningarmálum, hagsmunamálum og öðru því sem snertir stúdenta. Forseti sviðsráðs situr stjórnarfundi Menntavísindasviðs. Sviðsráðið skipa: Gunnar Ásgrímsson, nemi í grunnskólakennslu með áherslu á stærðfræði, forseti Ásthildur Bjarkadóttir, nemi í uppeldis- og menntunarfræði, upplýsingafulltrúi Magnús Bergmann Jónasson, nemi í grunnskólakennslu með áherslu list- og verkgreinar, hagsmunafulltrúi Gunnar Freyr Þórarinsson, nemi í íþrótta- og heilsufræði, ritari Andrea Þórey Sigurðardóttir, nemi í þroskaþjálfafræði, kennslumálafulltrúi Sviðsráðið á Facebook Geðheilbrigðisúrræði Háskóli Íslands hefur stigið ýmis skref til að koma til móts við ákall háskólanema um fjölbreyttari úrræði til að bæta geðheilbrigði stúdenta, m.a. með því að fjölga sálfræðingum við NSHÍ og bjóða hugræna atferlismeðferð í formi hópmeðferðar. Kynntu þér það sem í boði er í Uglu. Pantaðu samtal Bóka tíma hjá náms- og starfsráðgjafa Bóka tíma fyrir úrræði í námi og prófum Bóka ráðgjöf vegna fræðilegra skrifa Kynntu þér námið á Menntavísindasviði Kynningarmyndband UGLAN og tölvupósturinn CANVAS-námsumsjónarkerfið Net- og tækniþjónusta Náms- og starfsráðgjöf Hafðu samband! Ef eitthvað er óljóst er ykkur velkomið að hafa samband í síma 525-5950, senda tölvupóst á netfangið mvs@hi.is eða í gegnum netspjall HÍ. Fylgstu með okkur á Facebook, Instagram og YouTube. facebooklinkedintwitter
