Uppbygging Landspítalaþorpsins við Hringbraut er í fullum gangi en hún snertir Háskóla Íslands með ýmsum hætti. Þar má nefna að til stendur að byggja nýtt hús fyrir deildir Heilbrigðisvísindasviðs við Læknagarð og þá starfar margir nemendur og starfsmenn skólans einnig á Landspítala.
Framkvæmdasvæði í júní 2025. Mynd af vef Nýs Landspítala.
Nemendur og starfsmenn Háskóla Íslands verða varir við þessar framkvæmdir og verða upplýsingar um þær birtar á þessari síðu og á vef Nýs Landspítala. Eins verður tilkynnt ef miklar breytingar verða á umferðarfyrirkomulagi.
Framkvæmdasvæði haustið 2025 - myndband
Nýjustu framkvæmdafréttir
Í framkvæmdafréttum Hringbrautarverkefnisins, sem koma út reglulega, er farið yfir nýjustu tíðindi af framgangi uppbyggingar á Landspítalasvæðinu. Þær er hægt að nálgast á vef Nýs Landspítala.
Um verkefnið
Samkvæmt endurskoðun spítalaverkefnisins í kjölfar efnahagshrunsins 2008 og viljayfirlýsingu frá nóvember 2009 er fyrirhugað að byggja upp starfsemi Landspítala (LSH) og Heilbrigðisvísindasviðs Háskóla Íslands (HÍ) við Hringbraut í nokkrum áföngum. Miðað er við að þegar uppbyggingu á lóðinni ljúki verði byggingar LSH og HÍ samtals um 166 þúsund fermetrar; um 141 þúsund fermetrar undir spítalastarfsemi og 35 þúsund fermetrar sem tilheyri Háskóla Íslands og Keldum.