Umsókn um grunnnám

• Móttaka umsókna hefst á Háskóladaginn, sem haldinn er í lok febrúar eða byrjun mars ár hvert.
• Umsóknarfrestur er til og með 5. júní. Ef síðasta umsóknardag ber upp á helgi er opið fyrir umsóknir til og með fyrsta virka dags eftir þann dag.
• Eingöngu er tekið við rafrænum umsóknum. Rafrænt umsóknareyðublað er aðgengilegt á umsóknartíma.
• Fylgigögnum þarf að skila í síðasta lagi 12. júní.
• Umsóknarfrestur um inntökupróf í BA í íslensku sem öðru máli, læknisfræði, sjúkraþjálfunarfræði og tannlæknisfræði er til 20. maí.
• Umsóknarfrestur fyrir erlenda umsækjendur, aðra en skiptinema, er til 1. febrúar ár hvert.

• Móttaka umsókna hefst 15. september.
• Umsóknarfrestur er til og með 30. nóvember. Ef síðasta umsóknardag ber upp á helgi er opið fyrir umsóknir til og með fyrsta virka dags eftir þann dag.
• Eingöngu er tekið við rafrænum umsóknum.
• Ekki er tekið inn í nám við öll fræðasvið á þessu tímabili. Aðeins takmarkaður hluti námsleiða er þá í boði. Viðkomandi námsleiðir koma fram á rafrænu umsóknareyðublaði og á yfirliti um námsleiðir í boði.
• Fylgigögnum þarf að skila í síðasta lagi 8. desember.
• Ekki eru veittar undanþágur frá formlegum inntökuskilyrðum þegar sótt er um nám sem hefst á vormisseri.

Þú þarft að hafa lokið einhverju af eftirtöldum prófum:

• stúdentsprófi
• öðru lokaprófi á þriðja hæfniþrepi samkvæmt Aðalnámskrá framhaldsskóla. Ítarlegri upplýsingar er að finna í reglum um inntökuskilyrði í grunnnám við HÍ.
• sambærilegu prófi frá erlendum skóla

Undanþágur frá inntökuskilyrðum 

Hvert fræðasvið ákveður hvort deildir þess taki við umsóknum um undanþágur.

Háskólaárið 2024-2025 verður tekið við umsóknum um undanþágur í sumum deildum en öðrum ekki. Nánari upplýsingar um undanþágur eru í Kennsluskrá. 

Ekki eru veittar undanþágur frá inntökuskilyrðum (stúdentsprófi) þegar sótt er um nám sem hefst á vormisseri.

Umsóknum um undanþágur skal skila rafrænt eins og öðrum umsóknum nýnema. (Sjá hér fyrir ofan). Þeim skulu fylgja staðfest vottorð um nám og störf að loknu skyldunámi og önnur gögn sem umsækjandi telur að geti stutt umsóknina.

Sjá nánar:

• Reglur um inntökuskilyrði í grunnnám nr. 331/2022
• Reglur um Háskóla Íslands nr. 569/2009, 47. gr.

Skila þarf staðfestu ljósriti/afriti úr framhaldsskóla (með bláum stimpli og undirritun) af öllu stúdentsprófsskírteininu, ekki seinna en:

• 12. júní fyrir nám sem hefst að hausti
• 8. desember fyrir nám sem hefst að vori 

Óstaðfest eða skönnuð skírteini eru ekki tekin gild. 

Ef þú veitir Háskóla Íslands leyfi til að sækja rafrænt stúdentsprófsskírteini úr Innu þarftu ekki að skila staðfestu afriti.

Sjá nánar: Fylgigögn og staða umsóknar 

Nánari upplýsingar veitir Nemendaskrá HÍ:

• Sími: 525-4309
• Netfang: umsokn@hi.is

Umsóknir eru afgreiddar eins fljótt og mögulegt er og ekki síðar en viku eftir umsóknarfrest.

Hægt er að fylgjast með afgreiðslu umsóknar í Samskiptagáttinni, undir flipanum Yfirlit umsókna.

Eftir að umsókn er samþykkt er hægt að greiða skrásetningargjaldið.

Í Samskiptagáttinni er hægt að greiða gjaldið með greiðslukorti í einu lagi eða með kortaláni.

Nánari upplýsingar um skrásetningargjald

Engin skólagjöld eru í Háskóla Íslands en nemendur greiða árlegt skrásetningargjald. Skrásetningargjaldið er greitt eftir að umsókn er samþykkt.

Gjaldið er ekki endurkræft.

Nánari upplýsingar um skrásetningargjald

Eftir að umsókn hefur verið samþykkt og þú hefur greitt skrásetningargjaldið getur þú fengið notandanafn og lykilorð að Uglu, innra vefkerfi Háskóla Íslands. Það gerir þú með því að skrá þig inn á Samskiptagáttina (Yfirlit umsókna) með rafrænni auðkenningu, island.is eða með netfanginu og lykilorðinu sem þú bjóst til við fyrstu skráningu.

Nánari upplýsingar: Aðgangur að Uglu og tölvukerfi