Sálfræðiráðgjöf háskólanema

Fyrsta viðtal er alltaf greiningarviðtal og tekur að oftast um 90 mínútur. Í þessu viðtali er farið yfir sögu, það er farið í gegnum staðlað geðgreiningarviðtal og metið hvort þörf sé á skammtímameðferð sem meistaranemendur geta veitt eða hvort málinu þurfi að vísa annað.

Meistaranemar veita hugræna atferlismeðferð fyrir fullorðna við þekktum vandamálum svo sem:

• Þunglyndi
• Félagsfælni
• Ofsakvíða
• Svefnleysi
• Einfaldri fælni
• Áfengis misnotkun

Við tökum einnig til greina önnur vandamál ef þau eru afmörkuð og henta til skammtímameðferðar.

Meðferð er að oftast 10 tímar, en styttri við vissum vandamálum svo sem svefnleysi, einfaldri fælni og áfengis misnotkun.

Fyrir börn háskólanema bjóðum við upp á hegðunarráðgjöf og kvíðameðferð. Þó ekki greiningu svo sem ADHD eða einhverfu greiningar.

Viðtal kostar 1.500 kr, en viðtölin eru mislöng eftir því hvað er gert í viðtali. Hefðbundið meðferðarviðtal er oftast 60 mínútur en viðtöl með berskjöldunaræfingum geta verið 90-180 mínútur.

Greiningarviðtal er alltaf 90 mínútur.

Fullorðnir sækja um á öruggu svæði hér.

Foreldrar sækja um fyrir börnin sín á öruggu svæði hér.

Á haustin byrja meistaranemar í sálfræði að æfa sig í meðferð við kvíða. Besta leiðin til þess er að takast á við afmarkað vandamál eins og einfalda fælni. Því vantar okkur alltaf háskólanema og börn háskólanema í september með köngulóafælni.
 
Einkenni köngulóafælni eru:
1.    Mikill kvíði eða hræðsla við köngulær 
2.    Köngulær vekja oftast samstundis kvíða eða hræðslu
3.    Forðast oftast köngulær
4.    Kvíðinn eða hræðslan er meiri en köngulær gefa tilefni til. 
5.    Hræðslan hefur verið til staðar í meira en 6 mánuði
 
Meðferðin sem er beitt er einnar lotu meðferð við sértækri fælni. Inngripið er því stutt og árangursríkt. Í fyrstu er farið í matsviðtal sem tekur um 40 mínútur. Síðan, oftast um viku síðar, er farið í gegnum meðferðina. Meðferðin er í einni lotu sem stendur í 90-180 mínútur.
 
Þeir sem hafa áhuga á þessu geta sent tölvupóst beint á Þórð Örn Arnarson, forstöðumann Sálfræðiráðgjafar Háskólanema, hér.

Sálfræðiráðgjöf háskólanema hefur ekki aðstöðu til að veita bráðþjónustu. Í neyðartilvikum er hægt að hafa samband við bráðamóttöku geðdeildar.

Sálfræðiráðgjöf háskólanema er í kjallara Nýja Garðs, Sæmundargötu 12, 102 Reykjavík.

Hægt er að hafa samband í gegnum netfangið salradgjof@hi.is.

Forstöðumaður er Þórður Örn Arnarson. 
thordura@hi.is
S. 525 4582