Sérhæfður háskóli á landsbyggðinni sem leggur áherslu á gæðanám á grunn- og framhaldsstigi háskóla sem og öflugt rannsóknarstarf í nánu sambandi við atvinnulíf og samfélag. Skólinn býður upp á fjölbreytt og alþjóðlega samkeppnishæft nám í einstöku umhverfi þar sem tækifæri til nýsköpunar og persónulegrar þróunar eru í fyrirrúmi.
Fréttir
Hagnýtt og sveigjanlegt námsform
Fyrirkomulag námsins er ýmist staðbundið þar sem nemendur búa heima að Hólum, eða í næsta nágrenni skólans, eða blandað nám (fjarnám með staðbundnum lotum), óháð búsetu.
Háskóli Íslands á Hólum leggur áherslu á persónulega þjónustu og ánægða nemendur. Á öllum fræðasviðum HÍH fer fram vettvangsnám í samstarfi við ýmsar stofnanir og fyrirtæki um allt land.
Lögð er áhersla á að nemendur byggi upp öflugt tengslanet á meðan á námi stendur.
Fjölbreytt störf að loknu námi
Hlutverk Háskóla Íslands á Hólum er að undirbúa fagfólk til starfa í alþjóðlegu starfsumhverfi framtíðarinnar.
Starfsemi háskólans einkennist af fjölþættum stuðningi við atvinnugreinar í örri þróun; fiskeldi og fiskalíffræði, ferðaþjónustu og hestamennsku. Háskólinn er leiðandi afl í mótun sérfræðinga á sínum fagsviðum og tekur þátt í mótun samfélags og stuðlar að ábyrgri nýtingu náttúru með sjálfbærni að leiðarljósi.
Hafðu samband
Þjónustuborð Háskóla Íslands á Hólum er staðsett í aðalbyggingu skólans á Hólum. Hægt er að senda fyrirspurnir varðandi nám og umsóknir á netfangið holar@hi.is.
- Sími +354 455 6300
Nemendur geta einnig nýtt sér þjónustuborð HÍ á Háskólatorgi.
