Menntavísindasvið hefur aðsetur í Sögu, Hagatorgi 1 í Reykjavík. Almenn skrifstofa og kennsluskrifstofa er staðsett í Sögu. Þar eru einnig kennslustofur og sérhæfð kennslurými, matsala og tölvuþjónusta. Nemendur hafa aðgang að frábærri náms- og lesaðstöðu í húsinu og á Háskólatorgi. Auk þess er veitingasala víða á háskólasvæðinu, Stúdentakjallarinn og íþróttahús. Byggingar Öll starfsemi Menntavísindasviðs verður undir sama þaki í fyrsta sinn í Sögu fyrir utan að verkleg kennsla í íþrótta- og heilsufræði fer fram í frábærri aðstöðu í mannvirkjum ÍTR í Laugardalnum. Íþróttahús Hreyfing er öllu námsfólki mikilvæg. Við Háskóla Íslands eru rekin tvö íþróttahús sem opin eru öllum nemendum og starfsfólki háskólans gegn mjög vægu gjaldi. Nánari upplýsingar um íþróttahús skólans ásamt stundaskrá og afgreiðslutíma. Nemendur í íþrótta- og heilsufræði fá aðgang að líkamsræktarstöðvum World Class. Bókasafn Landsbókasafn Íslands - Háskólabókasafn er þjóðbókasafn Íslands og bókasafn Háskóla Íslands. Safnið safnar öllum íslenskum gögnum, varðveitir þau, skráir og flokkar. Safnið sinnir þjónustu við kennslu og rannsóknarstarfsemi Háskóla Íslands og heldur uppi bókasafns- og upplýsingaþjónustu í þágu atvinnuvega, stjórnsýslu og rannsókna á Íslandi. Bókasafnsskírteini er innifalið í skólagjöldum nemenda við Háskóla Íslands og starfsmenn HÍ fá skírteini án endurgjalds. Bókasafnsskírteini eru afgreidd í þjónustuborði á 2. hæð gegn framvísun skilríkja með mynd og kennitölu. Þjóðbókhlaðan er staðsett á Arngrímsgötu 3, 107 Reykjavík, símanúmer: 525 5600, netfang: landsbokasafn (hja) landsbokasafn.is Menntavísindasafn Lbs-Hbs er á 2. hæð í Sögu. Þar er að finna safn barnabóka og sérstakt kennslugagnasafn fyrir leik- og grunnskólastig, auk vinnuaðstöðu. Veitingasala Veitingastaðurinn Háma er staðsettur á Sögu og Háskólatorgi. Þar geta nemendur fengið heitan mat í hádeginu en auk þess er alltaf boðið upp á heita súpu og ýmsar gerðir af samlokum og köldum réttum. Kaffi, te og alls kyns drykkir er líka fáanlegt þar. Matseðil Hámu má nálgast á fs.is Stúdentakjallarinn er skemmtilegur bar og veitingastaður fyrir alla, stúdenta sem og aðra. Fastir liðir á viðburðadagatali eru pub quiz og café lingua. Vinnu- og lesaðstaða Góð vinnu- og lesaðstaða er í húsnæði Menntavísindasviðs í Sögu. Aðgengi er auðvelt fyrir fatlaða og hreyfihamlaða og boðið er upp á ýmiss konar hugbúnað sem er einkum ætlaður stúdentum með sérþarfir. Þráðlaust netsamband og prentarar eru á helstu vinnusvæðum. Önnur lesrými Á Háskólatorgi eru lesstofur bæði á 1. og 2. hæð með lesbásum Á jarðhæð í Gimli eru einnig lesstofur Á 2. og 3. hæð í Odda er opið lesrými og aðstaða til hópavinnu Tengt efni Háskólabyggingar og afgreiðslutími Kort af háskólasvæðinu facebooklinkedintwitter
