Selma og Kay Langvads Legat

Selma og Kay Langvads Legat til udvikling af den kulturelle forbindelse mellem Island og Danmark

Tilgangur sjóðsins er að styrkja menningarleg tengsl Íslands og Danmerkur. Í því skyni eru veittir styrkir úr sjóðnum til námsdvalar fyrir Íslendinga í Danmörku og Dani á Íslandi, og enn fremur er heimilt að styrkja hverja þá starfsemi, sem stjórn sjóðsins telur á hverjum tíma, að muni stuðla að því markmiði, sem sjóðnum er ætlað að vinna að. Styrki má veita með eða án umsókna.

Reynt er að hrinda markmiðum sjóðsins í framkvæmd með því að bjóða sérfræðingum á ýmsum sviðum að miðla upplýsingum á milli landanna um þróun þeirra mála sem þeir hafa látið til sín taka. Fyrsta styrkinn hlaut þáverandi þjóðminjavörður Kristján Eldjárn, síðar forseti Íslands.

Sjóðurinn er stofnaður árið 1964 af frú Selmu Langvad, fæddri Guðjohnsen, og Kay Langvad verkfræðingi í viðurkenningarskyni fyrir það mikilvæga hlutverk sem Ísland gegndi í lífi Kays Langvads og fjölskyldu hans. Höfuðstóll sjóðsins eru danskar krónur 120000 í dönskum skuldabréfum. Sjóðurinn er eign Háskóla Íslands, og er varsla hans og ávöxtun í höndum rektors og háskólaráðs samkvæmt þeim almennu reglum er gilda um sjóði Háskólans.

Íslenskir og danskir fræðimenn hafa notið góðs af sjóðnum og flutt þekkingu sína á milli landanna tveggja. Fyrsta styrkinn árið 1965 hlaut þáverandi þjóðminjavörður, Kristján Eldjárn, síðar forseti Íslands, en á þriðja tug styrkja hefur verið úthlutað úr sjóðnum frá stofnun hans.

Ekki hefur verið auglýst eftir umsóknum um styrki úr sjóðnum.

Sjóðurinn starfar eftir staðfestri skipulagsskrá og hefur sjálfstætt starfandi stjórn.

Um Selmu og Kay Langvad

Selma Guðjohnsen fæddist á Húsavík þann 25. júní 1893 og var dóttir Þórðar Guðjohnsens kaupmanns og eiginkonu hans, Mariu Kirsten Sveinbjörnsson. Árið 1903 fluttist fjölskyldan til Danmerkur og heimili Guðjohnsens-fjölskyldunnar á Friðriksbergi varð mjög vinsælt aðsetur ungra Íslendinga sem leituðu sér framhaldsmenntunar í Kaupmannahöfn. Selma giftist árið 1923 Kay Langvad verkfræðingi og eignuðust þau þrjá syni.

Kay Langvad fæddist í Kaupmannahöfn árið 1896 og var sonur Peters Petersens yfirkennara. Á árunum 1937-1946 stjórnaði Kay Langvad starfsemi Höjgaard og Scshultz á Íslandi og fjölskyldan bjó í Reykjavík á stríðsárunum. Á þeim árum tengdist fjölskyldan bæði íslenskum ættingjum sínum og einnig stjórnmála- og atvinnulífinu hér á landi. Kay Langvad tókst síðar að tryggja fyrirtæki sínu E. Pihl & Søn sterka stöðu á Íslandi á grundvelli reynslu sinnar frá stríðsárunum.

Selma lést árið 1976 en Kay Langvad hélt áfram störfum allt fram til dánardægurs árið 1982. Hinsta ferðalag sitt fór hann til Íslands en landið var honum mjög kært allt til æviloka.

Stjórn sjóðsins

Samkvæmt skipulagsskrá er stjórn sjóðsins skipuð 3 mönnum, rektor Háskólans, sem er formaður, Dana, sem er tilnefndur af gefendum og eftir lát þeirra beggja af Sören Langvad verkfræðingi, og íslenskum ríkisborgara, sem tilnefndur er af gefendum og eftir lát þeirra af háskólaráði til þriggja ára í senn.

Í stjórn sjóðsins sitja:

Kristín Ingólfsdóttir, rektor Háskóla Íslands
Kjartan Langvad
Hafliði Pétur Gíslason, hafliði@hi.is

Staðfest skipulagsskrá

Staðfesting forsetans á skipulagsskrá fyrir Selma og Kay Langvads Legat til udvikling af den kulturelle forbindelse mellem Island og Danmark, útgefin á venjulegan hátt ad mandatum af dómsmálaráðherra 14. september 1964.

Skipulagsskráin er þannig:
Skipulagsskrá fyrir Selma og Kay Langvads Legat til udvikling af den kulturelle forbindelse mellem Island og Danmark.

1. gr.
Sjóðurinn er stofnaður af frú Selmu Langvad, fæddri Guðjohnsen, og Kay Langvad verkfræðingi. Höfuðstóll sjóðsins eru danskar krónur 120.000 í dönskum skuldabréfum. Sjóðurinn er eign Háskóla Íslands, og er varzla hans og ávöxtun í höndum rektors og háskólaráðs samkv. þeim almennu reglum, er gilda um sjóði Háskólans.

2. gr.
Stjórn sjóðsins er skipuð 3 mönnum, rektor Háskólans, sem er formaður, Dana, sem er tilnefndur af gefendum og eftir lát þeirra beggja af Sören Langvad verkfræðingi, og íslenzkum ríkisborgara, sem tilnefndur er af gefendum og eftir lát þeirra af háskólaráði til þriggja ára í senn.

3. gr.
Tilgangur sjóðsins er að styrkja menningarleg tengsl Íslands og Danmerkur. Í því skyni eru veittir styrkir úr sjóðnum til námsdvalar fyrir Íslendinga í Danmörku og Dani á Íslandi, og enn fremur er heimilt að styrkja hverja þá starfsemi, sem stjórn sjóðsins telur á hverjum tíma, að muni stuðla að því markmiði, sem sjóðnum er ætlað að vinna að. Styrki má veita með eða án umsókna.

Styrkúthlutun fer fram á afmælisdegi frú Selmu Langvad hinn 25. júní, í fyrsta skipti 25. júní 1965. Stjórnin getur ákveðið, að styrkúthlutun fari fram árlega eða með 2-3 ára millibili. Öllum vöxtum sjóðsins má verja til úthlutunar samkv. framansögðu, en höfuðstól má eigi skerða.

4. gr.
Leita skal staðfestingar forseta Íslands á skipulagsskrá þessari