Ísland árið 1703: Hvernig var ástandið?

Sagnfræðistofnun Háskóla Íslands efnir til málþings í tilefni af útgáfu bókarinnar Ástand Íslands um 1700, lífshættir í bændasamfélagi. Málþingið er haldið í Odda 101 laugardaginn 1. febrúar kl. 13:30–16:15 og verður í formi pallborðsumræðna þar sem höfundar kynna framlag sitt í stuttu máli og skiptast á skoðunum við aðra fræðimenn um valda þætti úr bókinni.

Á málþinginu verður einnig opnuð ný og stórbætt útgáfa af vef gagnagrunnsins 1703.is sem búinn var til í tengslum við rannsóknarverkefnið.

Málþingsstjóri er Anna Agnarsdóttir.

Verið öll velkomin!

Dagskrá

13:30–15:00. Fyrri hluti

• Setning málþings: Anna Agnarsdóttir, prófessor emerita í sagnfræði
• Guðmundur Jónsson, prófessor í sagnfræði: Örkynning á Ástandinu.
• Áhrif harðindanna 1696–1702 á mannfjölda og fjölskyldur.
  Ólöf Garðarsdóttir, prófessor í félagssögu, Sigríður Hjördís Jörundsdóttir skjalavörður og Guðmundur Hálfdanarson, prófessor í sagnfræði.
• Grasbúð, hjáleiga, húsmenn, höfuðból ...? Vandinn við að skilgreina 300 ára gamlan veruleika.
  Óskar Guðlaugsson doktorsnemi í sagnfræði og Hrefna Róbertsdóttir þjóðskjalavörður.
• Tengsl byggðamynsturs og náttúrufars á 18. öld.
  Ingibjörg Jónsdóttir, dósent í landfræði og Orri Vésteinsson, prófessor í fornleifafræði.

15:00– 15:15.  Kaffihlé

15:15–16:15. Seinni hluti

• Ástand höfuðbóla um 1700.
  Árni Daníel Júlíusson, sérfræðingur á Hugvísindasviði og Helgi Þorláksson, prófessor emeritus í sagnfræði.
• „Fátækur en frjáls“? Hlutskipti íslenska bóndans.
  Guðmundur Jónsson og Már Jónsson, prófessor í sagnfræði.
• Opnun nýrrar útgáfu af vefnum 1703.is. Óskar Guðlaugsson og Ingibjörg Jónsdóttir kynna.

16.15: Málþingi slitið.

Boðið verður upp á léttar veitingar að málþingi loknu.