Nýnemum við Heilbrigðisvísindasvið er boðið á kynningarfundi hjá sinni deild eða námsbraut. Þar eru veittar mikilvægar upplýsingar um námið og fyrstu skrefin í Háskólanum. Þá vekjum við einnig sérstaka athygli á nýnemadögum Háskóla Íslands, þar sem fá má ýmsar gagnlegar upplýsingar og fróðleik. Kynningarfundir fyrir nýnema á haustönn fara fram hjá deildum og/eða námsbrautum. Athugið að deildarskrifstofur geta átt eftir að uppfæra eldri dags- og tímasetningar í sumum tilfellum: Geislafræði og lífeindafræði Kynningarfundur fyrir nýnema í BS-námi í geislafræði haustið 2024 fer fram þriðjudaginn 20. ágúst kl. 11:40 - 12:20 í stofu S-210 í Stapa. Nemendur eru hvattir til að mæta og fá frekari upplýsingar um umgjörð og efni námsins ásamt kynningu frá FLOG (Félag lífeinda- og geislafræðinema). Kynningarfundur fyrir nýnema í BS-námi í lífeindafræði haustið 2024 fer fram þriðjudaginn 20. ágúst kl. 09:10 - 09:50 í stofu HT-105 á Háskólatorgi. Nemendur eru hvattir til að mæta og fá frekari upplýsingar um umgjörð og efni námsins ásamt kynningu frá FLOG (Félag lífeinda- og geislafræðinema). Upphaf kennslu haustið 2024 í lífeindafræði og geislafræði er mánudaginn 19. ágúst. Heilbrigðisgagnafræði Nýnemakynning verður haldin á netinu kl. 13 þriðjudaginn 27. ágúst 2024. Nýnemar fá tölvupóst með hlekk á fundinn. Kennsla hefst mánudaginn 2. september. Hjúkrunar- og ljósmóðurfræði Kynningarfundur fyrir nýnema í Hjúkrunarfræði haustið 2024 fer fram mánudaginn 19. ágúst kl. 09:30–10:00 í Skriðu og er á undan námskeiðinu HJÚ131G Frumulíffræði. Nemendur eru hvattir til að mæta og fá frekari upplýsingar um umgjörð og efni námsins. Upphaf kennslu á haustönn 2024 er 19. ágúst. Lyfjafræði Kynningarfundur fyrir nýnema í BS-námi í lyfjafræði haustið 2024 verður mánudaginn 19. ágúst kl. 11:30–13:00 í stofu 104 í Haga. Upphaf kennslu haustið 2024 er 19. ágúst. Lýðheilsuvísindi Allir nýnemar í MPH/MS námi við MLV skulu skrá sig í skyldunámskeiðið LÝÐ108F Málstofa nýnema í lýðheilsuvísindum, faralds- og líftölfræði á fyrsta haustmisseri náms. Þar er farið yfir ýmsar hagnýtar upplýsingar, fræðileg vinnubrögð og skipulag náms, heimildaleit og vísindalæsi auk undirstöðuþjálfunar í tölfræðiforritinu R. Læknisfræði Kynningarfundur fyrir nýnema í Læknisfræði fer fram mánudaginn 12. ágúst kl. 8:20 og er partur af námskeiðinu LÆK123G. Upphaf kennslu haustið 2024 er 12.-19. ágúst. Upphaf kennslu á vormisseri 2025 er 6. janúar. Matvæla- og næringarfræði Kynningarfundur fyrir nýnema í BS-námi í matvælafræði og næringarfræði haustið 2024 fer fram föstudaginn 16. ágúst kl. 13:00-14:00 í stofu 103 í Lögbergi. Nemendur eru hvattir til að mæta og fá frekari upplýsingar um umgjörð og efni námsins. Upphafsdagur kennslu haustið 2024 er 22. ágúst sjá nánar á kennsluvefnum Canvas fyrir einstök námskeið. Upphaf kennslu á vormisseri 2025 er í annarri viku janúar 2025 - sjá nánar á kennsluvefnum Canvas fyrir einstök námskeið. Sálfræði Kynningarfundur fyrir nýnema í sálfræði haustið 2024 verður haldinn föstudaginn 16. ágúst kl. 12:00 í stofu HT-102 á Háskólatorgi. Þar verður farið yfir ýmsar gagnlegar upplýsingar og Anima, félag sálfræðinema, mun kynna starfsemi sína. Kennsla í Sálfræðideild haustið 2024 hefst mánudaginn 19. ágúst. Sjúkraþjálfunarfræði Kynningarfundur fyrir nýnema í BS-námi í sjúkraþjálfunarfræði haustið 2024 fer fram mánudaginn 19. ágúst kl. 12:30 í Stapa. Kynningafundur fyrir MS-nám í sjúkraþjálfun fer fram 15. ágúst kl. 11:30. Talmeinafræði Kynningarfundur fyrir nýnema haustið 2024 verður haldinn mánudaginn 19. ágúst kl. 13:20 - 15:40 í stofu Lg-229 í Læknagarði. Tannlæknisfræði og tannsmíði Upplýsingar fyrir nýnema í tannlæknisfræði og tannsmíði haustið 2024 munu berast frá umsjónarkennara TAN101 Formfræði tanna. Upphaf kennslu haustið 2024 er mánudagurinn19. ágúst samkvæmt stundaskrá. Upphaf kennslu á vormisseri 2025 er 6. janúar. facebooklinkedintwitter
