Rannsóknaháskóli verður til

Í tilefni af lokum verkefnisins Rannsóknaháskóli verður efnt til athafnar í fyrirlestrasal Eddu þriðjudaginn 28. apríl kl. 15.00–16.00. 

Í verkefninu voru tekin viðtöl við 60 kennara og vísindamenn sem störfuðu við Háskóla Íslands á síðustu áratugum 20. aldar og fram yfir aldamótin. Í viðtölunum segja þeir frá rannsóknum sínum, umhverfi og áhrifavöldum og þróun fræðigreinar sinnar á þessum uppbyggingartíma. Á viðburðinum verður opnuð vefsíða með hlaðvörpum sem unnin voru úr viðtölunum.

​Fundarstjóri: Hildur Kristmundsdóttir, forstöðumaður Raunvísindastofnunar Háskóla Íslands.

Dagskrá:

• Silja Bára Ómarsdóttur, rektor Háskóla Íslands: Ávarp
• Guðmundur Jónsson, fyrrverandi prófessor sagnfræði: Háskólamenn segja frá. Hvaða gildi hafa viðtölin?
• Leifur Reynisson, verkefnisstjóri hjá Miðstöð munnlegrar sögu: Að fanga söguna. Umfang og framkvæmd verkefnisins
• Jón Atli Benediktsson, fyrrverandi rektor Háskóla Íslands, opnar vef um verkefnið og viðtölin
• Sýning á stuttu myndbandi með klippum úr viðtölunum ásamt myndum af viðmælendum og úr háskólastarfinu

Að lokinni dagskrá verður boðið upp á veitingar í Ými, kaffihúsi Eddu.