Hvernig rökræðuhópar geta aukið þekkingu og færni kjósenda

Öndvegisverkefnið Lýðræðisleg stjórnarskrárgerð stendur fyrir opnum fyrirlestri: 

Hvernig rökræðuhópar geta aukið þekkingu og færni kjósenda: Reynsla af atkvæðagreiðslu í Finnlandi.
Maija Setälä, Háskólanum í Turku
Veröld, fyrirlestrarsalur 023, fimmtudaginn 12. mars kl. 12.05.
ATH: Fyrirlesturinn er haldinn á ensku.

Í fyrirlestrinum er fjallað um borgarakviðdóm í aðdraganda atkvæðagreiðslu sem stjórnvöld efndu til. Í Bandaríkjunum hafa rannsóknir hafa bent til þess að auka megi þekkingu kjósenda og færni þeirra til vals með því að slembivaldir hópar rýni frumkvæðistillögur um lagabreytingar (e. ballot initiative). Víða í Bandaríkjunum geta kjósendur kjósendur staðið fyrir lagabreytingum beint með slíkum hætti. Ekki liggja fyrir samskonar rannsóknir á atkvæðagreiðslum um einstök málefni sem yfirvöld standa fyrir. Borgarakviðdómurinn var kallaður saman til að ræða tillögur sem atkvæði voru greidd um í bæjarfélaginu Korsholm í Finnlandi 2019. Þótt atkvæðagreiðslan væri um umdeilda sameiningu bæjarfélaga reyndust þeir sem tóku sæti í kviðdómnum almennt ánægðir með umræðuferlið og töldu það óhlutdrægt. Mikill meirihluti þeirra sem greiddu atkvæði lásu niðurstöðu kviðdómsins og töldu hana gagnlega og áreiðanlega. Athugun á ferlinu leiddi í ljós að það jók traust á kviðdómnum og þekkingu á málefninu, auðveldaði fólki að átta sig á og öðlast yfirlit yfir valkostina.

Fyrirlesturinn byggir á grein Maiju Setälä, Mariu Bäck, Henriks Serup Christensen, Mikkos Leino og Kims Strandberg.

facebook