Heilsan okkar: Líðan barna og unglinga á Íslandi
Veröld - Hús Vigdísar
Salur
Heilsan okkar - fundaröð: Líðan barna og unglinga á Íslandi.
Umsjón hafa Urður Njarðvík og Bertrand Lauth.
Líðan barna og unglinga hefur verið mikið í umræðunni undanfarið og því hefur oft verið haldið fram að geðheilsu íslenskra ungmenna fari hrakandi. Fjallað verður um nýjustu kannanir á líðan íslenskra unglinga, skipulag og nýtingu geðheilbrigðisþjónustu á Íslandi síðustu misseri, lyfjanotkun og sjálfsvíg, auk þess sem farið verður yfir raunprófaðar forvarnir og foreldrum gefin hagnýt ráð.
Dagskrá
Þórhildur Halldórsdóttir, dósent, Sálfræðideild HR:
Andleg heilsa ungmenna fyrir og eftir heimsfaraldur.
Guðrún Bryndís Guðmundsdóttir, yfirlæknir, Geðheilsumiðstöð barna: Geðheilbrigðisþjónusta fyrir börn og unglinga á Íslandi í dag, áskoranir og framtíðarsýn.
Bertrand Andre Marc Lauth, dósent, Læknadeild HÍ:
Geðlyfjanotkun, sjálfsvígshegðun, skólaforðun og aðrir geðheilbrigðisvísar hjá börnum og unglingum.
Urður Njarðvík, prófessor, Sálfræðideild HÍ:
Geðheilsa barna og unglinga: Árangursríkar forvarnir og hagnýt ráð fyrir foreldra.
Um Heilsuna okkar
Funda- og viðburðaröðin Heilsan okkar er hugsuð sem samtal almennings, fagfólks og fræðafólks um heilsutengd málefni og verða viðburðir öllum opnir og þeim verður einnig streymt beint á netinu. Hlekkur á streymi kemur hér inn á viðburðinn og á viðburðasíðu á hi.is.
Stefnt er að því að halda einn viðburð eða fund undir heitinu Heilsan okkar í hverjum mánuði. Hver fundur er um 90 mínútur og er alltaf í hádeginu. Á hverjum fundi verða nokkur innlegg frá vísindafólki, heilbrigðisstarfsfólki og notendum ýmissar þjónustu. Þá reynum við að fanga og ræða misvísandi upplýsingar eða annað áhugavert umræðuefni sem tengjast efni hvers fundar. Tekið er við fyrirspurnum úr sal og svo fara fram umræður að loknum erindum.
Heilsan okkar fer almennt fram síðasta föstudag í hverjum mánuði kl. 11.30-13.00 en þó verður dagsetningum eitthvað hnikað til vegna frídaga eða annarra viðburða sem gætu skarast á við fundaröðina, svo fylgist með daskrá hvers mánaðar á hi.is.
Röð, tímasetning og viðburðastaður gæti allt tekið breytingum svo það er best að kynna sér uppfærðan viðburð fyrir hvern mánuð fyrir sig á hi.is þegar nær dregur.
Heilsan okkar er ný fundaröð Háskóla Íslands og Landspítala sem hefur það að markmiði að varpa ljósi á áríðandi mál líðandi stundar er varða heilsu og heilbrigðisþjónustu. Þessir mánaðarlegu upplýsingafundir eru öllum opnir og eru almennt á dagskrá í hádeginu síðasta föstudag hvers mánaðar.
