Framhaldsskólinn eftir faraldur: Áskoranir, aðlögun og eftirmálar

Málþingið, Framhaldsskólinn eftir faraldur: Áskoranir, aðlögun og eftirmálar fer fram í Verzlunarskóla Íslands föstudaginn 28. nóvember kl. 13-16.

Málþingið er haldið í samvinnu við Samtök áhugafólks um skólaþróun og er uppskeruhátíð stórrar rannsóknar á Menntavísindasviði sem hófst vorið 2020 og lagði meiri hluti starfsmanna framhaldsskóla landsins til efni í hana.

Þátttaka er ókeypis en skráning er hér 

Meðal annars verður fjallað um:

• Kennslu, samstarf og starfsumhverfi
• Nemendur og foreldra
• Námsskerðingu og núverandi stöðu

Rannsókninni stýrðu Guðrún Ragnarsdóttir, Súsanna Margrét Gestsdóttir, Amalía Björnsdóttir og Elsa Eiríksdóttir allar á Menntavísindasviði Háskóla Íslands.

Hægt er að fylgjast með dagskránni á Zoom hér 

Dagskrá málþings:
Fundarstjóri: Anna María Gunnarsdóttir, aðstoðarskólameistari Fjölbrautaskólans í Garðabæ.

1. Kennsla, samstarf og starfsumhverfi

Súsanna Margrét Gestsdóttir
„Þetta var einfaldlega ömurlegur tími í starfi mínu sem kennari.”
Skin og skúrir í lífi framhaldsskólakennara

Þorsteinn Árnason Sürmeli
„Kennararnir sem kvörtuðu mest voru þeir sem sóttu ekki aðstoð til annarra.“
Fagleg samstarfskennd og aðlögunarhæfni kennara

Umsjón með umræðum:
Steinunn Inga Óttarsdóttir, skólameistari Fjölbrautaskóla Vesturlands og Bryndís Valsdóttir, kennari í Fjölbrautaskólanum við Ármúla

2. Nemendur og foreldrar

Amalía Björnsdóttir
Frá fjarkennslu til staðnáms: Voru allir nemendur jafn spenntir að mæta aftur?

Ómar Örn Magnússon
Að halda rútínunni gangandi: Félagslegt réttlæti og framhaldsskólinn á tímum COVID-19

Umsjón með umræðum:
Erla Ragnarsdóttir, skólameistari Flensborgarskóla og Sigrún Lilja Guðbjörnsdóttir, kennari í Menntaskólanum við Sund

Kaffihlé

3. Námsskerðing og aðrar afleiðingar

Elsa Eiríksdóttir
„Námsskerðing: Rof í samfellu náms og göt í þekkingu”

Guðrún Ragnarsdóttir
„Námsskerðing: Bómullaráhrif og tengslarof”

Umsjón með umræðum:
Hanna Björg Vilhjálmsdóttir, kennari við Borgarholtsskóla og Jóhanna Björk Guðjónsdóttir, kennari í Kvennaskólanum

Samantekt
Guðjón Hreinn Hauksson, formaður Félags framhaldsskólakennara, dregur saman efni málþingsins og lýkur því.

Dagskránni lýkur með veitingum og er framhaldsskólafólk hvatt til að koma saman og gera sér glaðan dag!

Verið öll velkomin!