Meistaranám til kennslu

Menntunarfræði leikskóla, að loknu BA/BS-prófi

Námið er ætlað þeim sem lokið hafa bakkalárprófi (BA- eða BS-prófi) í grein sem tengist uppeldisfræði eða námssviðum leikskóla og hyggja á starf í leikskóla. Þessar greinar eru t.d. grunnskólakennarafræði, uppeldis- og menntunarfræði, sálfræði, eða faggreinar sem tengjast námssviðum aðalnámskrár leikskóla, s.s. listir eða náttúruvísindi. 

Sjá nánar: 

• Menntunarfræði leikskóla, M.Ed., 120 einingar
• Menntunarfræði leikskóla, MT, 120 einingar

Kennslufræði yngri barna í grunnskóla að loknu BA/BS-prófi

Námið er ætlað þeim sem hafa lokið bakkalárprófi (BA- eða BS-prófi) í greinum eða greinasviðum sem kennd eru á yngri stigum grunnskóla.

Nánar um námið í kennsluskrá 

Kennsla faggreina

• M.Ed., 120 einingar
• MT, 120 einingar

Þeir sem hafa lokið bakkalárprófi (BA- eða BS-prófi) í kennslugrein grunnskóla geta sótt um tveggja ára kennsluréttindanám  til að sérhæfa sig í kennslu faggreina. 

• Kennsla erlendra tungumála
• Kennsla íslensku 
• Kennsla list- og verkgreina 
• Kennsla náttúrugreina 
• Kennsla samfélagsgreina 
• Kennsla stærðfræði 
• Kennsla upplýsingatækni og miðlunar 

Nánar um námið í kennsluskrá 

Menntun framhaldsskólakennara

• MA/MS/MT/M.Ed., 120 einingar

Þeir sem eru með bakkalárgráðu í kennslugrein framhaldsskóla og vilja verða kennarar í grein sinni geta sótt um tveggja ára meistaranám.

Kennaranemar í leik- og grunnskólakennaranámi geta verið í launuðu starfsnámi í 50% starfshlutfalli á lokaári kennaranáms. Nemi í starfsnámi fær laun leiðbeinanda samkvæmt kjarasamningum Félags leikskólakennara og Félags grunnskólakennara.

Kennaranemar sem leggja stund á 120 ECTS eininga meistaranám (eða viðbótarnám á meistarastigi til 120e) sem leiðir til leyfisbréfs geta sótt um hvatningarstyrk. Styrkurinn nemur allt að 800.000 kr. og greiðist í tvennu lagi, sækja þarf sérstaklega um hvorn hluta fyrir sig. Fyrri helmingurinn greiðist þegar nemandi hefur lokið 90 ECTS einingum í meistaranámi sem leiðir til leyfisbréfs og seinni helmingurinn þegar nemandi hefur brautskráðst. Réttur til að sækja um seinni hluta styrksins fellur niður ef nemandi brautskráist ekki innan 12 mánaða frá móttöku fyrri hluta styrksins.

Kennaranemar sem innritast haustið 2020 eða síðar og ljúka 60 ECTS eininga diplómanámi sem leiðir til leyfisbréfs geta sótt um hvatningarstyrk sem nemur allt að 400.000 kr. þegar staðfesting á brautskráningu liggur fyrir. Réttur til að sækja um styrk fellur niður ef kennaranemi útskrifast ekki innan 12 mánaða frá innritun í námið.