Kynningar á fjölbreyttu framhaldsnámi í HÍ á netinu
![Kynningar á fjölbreyttu framhaldsnámi í HÍ á netinu - á vefsíðu Háskóla Íslands](https://www.hi.is/sites/default/files/styles/efsta_mynd___fr_ttum/public/bgisla/kri_covid_hi_200928_006_3.jpg?itok=ovtLY2Tg)
Háskóli Íslands kynnir um hundrað námsleiðir í framhaldsnámi í streymi á netinu dagana 22.-26. mars. Þetta er í annað sinn sem skólinn býður upp á slíkar kynningar.
Sams konar námskynning fór fram í fyrra sem viðbragð við kórónuveirufaraldrinum og liður í því að gefa fólki, hvar sem það statt, tækifæri til að kynna sér það fjölbreytta framhaldsnám sem er í boði innan skólans. Því þarf ekki að víkja frá tölvunni eða smátækinu til þess að geta tekið ákvörðun um framtíðarnámið.
Umsóknarfrestur um framhaldsnám er til 15. apríl
Á fjarkynningunum verða veittar ítarlegar upplýsingar um samsetningu hverrar námsleiðar, inntökuskilyrði, fyrirkomulag lokaverkefna, atvinnumöguleika og margt fleira.
Sérfræðingar námsleiða, deilda og fræðasviða Háskólans munu leiða þessar fjarkynningar sem verða í eftirfarandi röð:
- 22. mars - Námsleiðir Verkfræði- og náttúruvísindasviðs
- 23. mars - Námsleiðir Menntavísindasviðs
- 24. mars - Námsleiðir Félagsvísindasviðs
- 25. mars - Námsleiðir Heilbrigðisvísindasviðs
- 26. mars - Námsleiðir Hugvísindasviðs
Hér má finna yfirlit og slóð á allar kynningarnar
Í heildina eru yfir tvö hundruð námsleiðir í boði í framhaldsnámi við Háskóla Íslands og opna þær leiðina að fjölbreyttum tækifærum í atvinnu- og þjóðlífi bæði á Íslandi og víða um heim.
Á vef skólans um framhaldsnám er hægt að sjá yfirlit yfir allar námsleiðir og mikilvæga þjónustu og stuðning sem skólinn veitir í tengslum við námsval.