Vefkynning á framhaldsnámi í umhverfis- og auðlindafræði
Zoom
Mættu á vefkynningu um framhaldsnám í umhverfis- og auðlindafræði!
Meistaranámið og viðbótardiplómunámið verða kynnt og svo verður hægt að spyrja kennara um námið.
Öll velkomin!
Kynningin verður á Zoom
Meistaranám í umhverfis- og auðlindafræði er sniðið að fólki sem brennur fyrir umhverfismálum og sjálfbærri nýtingu náttúruauðlinda á tímum hnattrænna breytinga. Hægt er að velja um kjörsvið og leggja áherslu á umhverfisvísindi og stjórnun umhverfismála, stjórnun náttúruauðlinda, hafið og sjálfbærni eða orku og sjálfbærni.
Meistaranámið er þverfræðilegt og alþjóðlegt og er skipulagt með það í huga að nemendur hafi fjölbreyttan bakgrunn. Umsækjendur þurfa að hafa lokið BA eða BS gráðu með fyrstu einkunn (7,25) óháð námsgrein og það er ekki gerð krafa um fyrra nám í umhverfisfræðum.
Einnig er boðið upp á viðbótardiplómu í umhverfis- og auðlindafræði sem er 1-2 missera nám (30 einingar) og samanstendur aðeins af námskeiðum. Viðbótardiplóman hentar vel fólki með margvíslegan bakgrunn sem vilja auka við þekkingu sína á sviði umhverfis- og auðlindamála og styrkja stöðu sína á vinnumarkaði.
- Umsóknarfrestur um meistaranám er 15. apríl
- Umsóknarfrestur um viðbótardiplómu er 5. júní
Meistaranám í umhverfis- og auðlindafræði er sniðið að fólki sem brennur fyrir umhverfismálum og sjálfbærri nýtingu náttúruauðlinda á tímum hnattrænna breytinga.
