Snarl og spjall um Kína: Kínversk læknisfræði

Fyrirlestraröðin Snarl og spjall um Kína hefst á ný fimmtudaginn 16. febrúar. Fyrsti fyrirlesari er Minghai Hu nálastungulæknir sem mun fjalla um kínverska læknisfræði. Hann er menntaður frá Tianjin University of Traditional Medicin og kenndi þar. Hér starfaði hann hjá Heilsustofnun NLFÍ og er nú með eigin stofu í Reykjavík.

Boðið er upp á léttar veitingar kl.17:30 og stuttu síðar hefst fyrirlesturinn í stofu 007 í Veröld - húsi Vigdísar. Fyrirlesturinn fer fram á ensku og þátttaka er ókeypis og allir velkomnir.