Skattadagur Orator og Deloitte 2022

Fimmtudaginn 10. mars nk. munu nemendur við Lagadeild Háskóla Íslands, í samstarfi við endurskoðunar- og ráðgjafarfyrirtækið Deloitte, bjóða einstaklingum (utan reksturs) að mæta og fá endurgjaldslausa aðstoð við framtalsskil.

Aðstoðin fer fram í Háskóla Íslands frá 17:00-20:00 á Litla Torgi sem er hliðarsalur við Háskólatorg. Boðið verður upp á kaffi og léttar veitingar á meðan á aðstoðinni stendur.

Þau sem vilja nýta sér aðstoðina eru beðnir um að hafa með sér eftirfarandi:
- Rafræn skilríki eða veflykil RSK.
- Lykilorð og/eða auðkennisapp fyrir heimabanka, eftir því sem við á.
- Verktakamiða síðasta árs, ef við á.