Málþing: skógrækt, loftslagsmál og lífríki Íslands

Hið íslenska náttúrufræðifélag heldur málþing í Öskju, í samstarfi við Félag íslenskra náttúrufræðinga, 30. nóvember nk. kl. 17-19.30.

Málþingið er öllum opið og aðgangseyrir er enginn. Þess má geta að framsöguerindum málþingsins verður einnig streymt í gegnum facebook.

Yfirskrift málþingsins er Skógrækt, loftslagsmál og íslensk náttúra. Með aukinni skógrækt, breytingu náttúrulegra vistkerfa og bágri stöðu í loftslagsmálum hefur málefnið fengið aukna athygli. Málþinginu er ætlað að fræða fólk um ólíkar hliðar málsins og laða fram málefnalega umræðu.

Gott fólk hefur verið fengið til framsögu með ólík erindi:

1. Land og líf – Samræmd áætlun í landgræðslu og skógrækt
Björn Helgi Barkarson umhverfisfræðingur, skrifstofustjóri Skrifstofu sjálfbærni, Matvælaráðuneytinu

2. Skipulag um nýtingu lands
Ásdís Hlökk Theodórsdóttir skipulagsfræðingur, aðjúnkt við Háskóla Íslands

3. Skógræktarverkefni, vottun og skráning í loftlagsskrá
Rannveig Anna Guicharnaud jarðvegsfræðingur, yfirverkefnastjóri í sjálfbærniteymi Deloitte

4. Skógrækt á tímum loftslagsvár
Hreinn Óskarsson skógfræðingur, sviðstjóri þjóðskóga hjá Skógræktinni

5. Líklegar breytingar á gróðurfari og ásýnd lands með aukinni skógrækt erlendra tegunda
Sigurður H. Magnússon gróðurvistfræðingur, áður hjá Náttúrufræðistofnun Íslands

6. Áhrif skógræktar á mófugla
Tómas Grétar Gunnarsson vistfræðingur, forstöðumaður Rannsóknaseturs HÍ á Suðurlandi

Að erindum loknum verða skipulagðar hópumræður þar sem allir gestir málþingsins fara í hópa og koma sér niður á spurningar til pallborðs. Í pallborði, sem verður tvískipt, koma fram fulltrúar ólíkra stofnana en einnig fulltrúar ungs fólks sem láta sig náttúru og umhverfismál varða:

* Björn H. Barkarson skrifstofustjóri Matvælaráðuneytinu
* Sunna Áskelsdóttir verkefnastjóri Landgræðslunni
* Snorri Sigurðsson sviðsstjóri Náttúrufræðistofnun Íslands
* Sigurður Torfi Sigurðsson ráðunautur Ráðgjafarmiðstöð landbúnaðarins
* Þórdís Björt Sigþórsdóttir teymisstjóri Umhverfisstofnun
* Úlfur Óskarsson verkefnastjóri Skógræktinni

* Jóhannes Bjarki Urbancic í Félagi framhaldsnemenda í náttúruvísindum í HÍ
* Ingólfur Pétursson úr hópi framhaldsnemenda í náttúru- og umhverfisfræði í LbhÍ
* Benedikt Traustason í samráðshópi um líffræðilega fjölbreytni – BIODICE
* Ástrós Eva Ársælsdóttir náttúruverndarfulltrúi Ungra umhverfissinna

Fundarstjóri á málþinginu verður Katrín Oddsdóttir lögfræðingur.