Læsi er lykill að menntun

Ráðstefna um mikilvægi læsis og lesskilnings fyrir menntun og möguleika fólks til þátttöku í samfélaginu. Margaret Snowling og Kate Nation, prófessorar við Oxford háskóla í Bretlandi, eru meðal fremstu vísindamanna heims á þessu sviði. Á ráðstefnunni munu þær fjalla um rannsóknir á læsi og lesskilningi og hvernig megi efla hvort tveggja. Hermundur Sigmundsson, prófessor við Háskóla Íslands og NTNU í Noregi, mun fjalla um áskoranir í íslensku menntakerfi og þróunar- og rannsóknarverkefni sem hafið er í grunnskólanum í Vestmannaeyjum með áherslu á læsi, gróskuhugarfar og námsárangur.

Ráðstefnan fer fram í Skriðu, fyrirlestrarsal Menntavísindasviðs HÍ í Stakkahlíð. Öll hafa tækifæri til að fylgjast með dagskrá ráðstefnunnar í opnu streymi hér: https://livestream.com/hi/laesierlykilladmenntun

Vinsamlega staðfestið þátttöku með skráningu hér: https://bit.ly/3LzHsCQ

Rannsóknasetur um menntun og hugarfar stendur fyrir ráðstefnunni ásamt Háskóla Íslands, með stuðningi sendiráðs Bretlands á Íslandi. Í ráðstefnulok verður Rannsóknarsetur um menntun og hugarfar og heimasíða setursins opnuð.

• 15:00 Forseti Íslands, Guðni Th. Jóhannesson setur ráðstefnuna
• 15:05 Ávarp mennta- og barnamálaráðherra - Ásmundur Einar Daðason
• 15:10 Ávarp sendiherra - Bryony Matthew
• 15:15 Áskoranir í íslensku menntakerfi - Hermundur Sigmundsson
• 15:35 Vísindin að baki læsi - Kate Nation
• 16:30 Kaffihlé
• 16:50 Vísindin að baki læsi - Margaret J. Snowling
• 17:40 Allir skipta máli - Jón Pétur Zimsen
• 17:50 Ávarp rektors - Jón Atli Benediktsson
• 17:55 Ávarp háskóla-, iðnaðar- og nýsköpunarráðherra - Áslaug Arna Sigurbjörnsdóttir
• Rannsóknarsetur um menntun og hugarfar formlega opnað.