Í liði með náttúrunni: Heilbrigð jörð, heilbrigt líf
![Í liði með náttúrunni: Heilbrigð jörð, heilbrigt líf - á vefsíðu Háskóla Íslands](https://www.hi.is/sites/default/files/styles/efsta_mynd___vi_bur_um/public/stjori/bakgrunnsmyndir2/1920_KRI_leikskoli_200526_018.jpg?itok=7B1dsXgF)
Norræna húsið
Við höldum áfram með viðburðaröðina "Í liði með náttúrunni - náttúrumiðaðar lausnir og áhrif þeirra í víðu samhengi".
Í þessum viðburði sem er nr. 2 í röðinni tengjum við saman heilbrigði vistkerfa við heilsu og vellíðan manna. Á viðburðinum verða áhugaverð erindi, m.a. um tengsl og tengslarof okkar við náttúruna og um sálræn áhrif náttúrunnar á andlega heilsu. Við köfum einnig ofan í undraveröld örveranna með erindi um áhrif örveruflóru á heilsu okkar. Að lokum fáum við spennandi erindi frá Jarðgerðarfélaginu og listræna hugvekju frá Mannyrkjustöðinni.
Auk erinda og pallborðsumræðna, bjóðum við upp á veitingar og náttúruvín frá Sónó matseljum í Norræna húsinu að viðburði loknum.
Fundarstjóri verður Katrín Oddsdóttir.
Dagskrá:
- 16:00 Opnun málþings, Hafdís Hanna Ægisdóttir, forstöðumaður Stofnunar Sæmundar fróða um sjálfbæra þróun, HÍ
- 16:10 Hvað felst í því að vera raunverulega í liði með náttúrunni? Skúli Skúlason, líffræðingur og prófessor við Háskólann á Hólum og Náttúruminjasafn Íslands
- 16:25 Náttúran og sálarheill. Páll Líndal, doktor í umhverfissálfræði
- 16:40 Gerlar og geðheilsa, hver stjórnar? Birna Guðrún Ásbjörnsdóttir, doktorsnemi í heilbrigðisvísindum við Háskóla Íslands
- 16:55 Nærum jarðveginn en ekki landfyllingar! Félagslegur og umhverfislegur ávinningur bokashi-gerjunar, Björk Brynjarsdóttir, framkvæmdarstjóri Jarðgerðarfélagsins og samfélagshönnuður.
- 17:10 Pallborðsumræður
- 17:40 Listræn hugvekja frá Mannyrkjustöðinni
Viðburðurinn fer fram bæði fram í Norræna húsinu og í beinu streymi.
Við hlökkum til að sjá ykkur.
"Í liði með náttúrunni - náttúrumiðaðar lausnir og áhrif þeirra í víðu samhengi".
![Í liði með náttúrunni: Heilbrigð jörð, heilbrigt líf](https://www.hi.is/sites/default/files/styles/mynd___kassa_fyrir_fr_ttir_/public/vidburdir/d9pjk.jpg?itok=kUkx7j1Z)