Höfum við efni á barnafátækt?
![Höfum við efni á barnafátækt? - á vefsíðu Háskóla Íslands](https://www.hi.is/sites/default/files/styles/efsta_mynd___vi_bur_um/public/stjori/bakgrunnsmyndir2/1920_KRI_lyfjafraedi_200910_001.jpg?itok=BGC_l6vy)
Hús Íslenskrar erfðagreiningar, Sturlugötu 8
Afhverju eru börn rukkuð fyrir leikskóla, skólamáltíðir, tónlistarnám og frístundir? Hvað myndi kosta að losa öll börn á Íslandi undan fjárhagsáhyggjum? Þetta er umræðuefnið á málþingi Velferðarsjóðs barna, laugardaginn 26. mars, sem nefnist: Höfum við efni á barnafátækt?
Prófessorarnir Tinna Laufey Ásgeirsdóttir og Gylfi Zoega, kynna til sögunnar skýrslu sem var unnin fyrir Velferðarsjóðinn um ójöfnuð meðal íslenskra barna. Þetta er í fyrsta sinn sem gini-stuðull barna er fundinn út.
Málþingið er haldið til minningar um Valgerði Ólafsdóttur þroskasálfræðing, stofnanda og fyrrverandi framkvæmdastjóra Velferðarsjóðs barna sem féll frá í nóvember, í fyrra. Það er haldið í húsi Íslenskrar erfðagreiningar, Sturlugötu 8, 102 Reykjavík og stendur frá 13:00 til 15:00.
Allir eru velkomnir en boðið er uppá kaffiveitingar frá 12.30
Dagskrá
Tinna Laufey Ásgeirsdóttir og Gylfi Zoega prófessorar við HÍ
Ójöfnuður meðal íslenskra barna – staða og mögulegar leiðir
Ásta Þórdís Skjaldal samhæfingarstjóri PEPP
Að alast upp í fátækt
Vilborg Oddsdóttir félagsráðgjafi hjá Hjálparstarfi kirkjunnar
Tómstundir barna – mismunun hvert leiðir hún
Kolbeinn Stefánsson dósent við félagsráðgjafadeild HÍ
Eru börn fjárfesting eða útgjöld?
Pallborð – Kári Stefánsson, stjórnarformaður Velferðarsjóðs barna stýrir umræðum
Viljum við að öll börn fái jöfn tækifæri? Og hvað má það kosta?
Þátttakendur:
Katrín Jakobsdóttir forsætisráðherra
Dagur B. Eggertsson, borgarstjóri í Reykjavík
Tinna Laufey Ásgeirsdóttir prófessor
Rósa Guðbjartsdóttir, bæjarstjóri í Hafnarfirði
Afhverju eru börn rukkuð fyrir leikskóla, skólamáltíðir, tónlistarnám og frístundir? Hvað myndi kosta að losa öll börn á Íslandi undan fjárhagsáhyggjum? Þetta er umræðuefnið á málþingi Velferðarsjóðs barna, laugardaginn 26. mars, sem nefnist: Höfum við efni á barnafátækt?
![Höfum við efni á barnafátækt?](https://www.hi.is/sites/default/files/styles/mynd___kassa_fyrir_fr_ttir_/public/vidburdir/jgzab.jpg?itok=sLaA-swQ)