Að mætast miðja vegu – Hvað gerist við samningaborðið?

Algeng birtingarmynd kjarasamninga í fjölmiðlum eru myndir af fólki við fundarborð og ef vel tekst til brosandi með vöfflur í hönd að fagna undirritun samninga. En hvað er það sem gerist áður en hrært er í vöfflurnar og hvernig upplifa aðilar samninganefnda þetta ferli sem fram fer bak við luktar dyr?

Á hádegisfundi Viðskiptafræðideildar þann 15. nóvember munu Karitas Marý Bjarnadóttir ráðgjafi sjóða hjá BHM og Aðalsteinn Leifsson ríkissáttasemjari leiða okkur í allan sannleikann. Karitas Marý mun fjalla um niðurstöðu meistararannsóknar sinnar um „Upplifun kvenna  sem sitja í samninganefndum kvennstéttarfélaga á kjaraviðræðum sínum“. En Aðalsteinn mun fjalla um rannsóknir sínar á líðan, viðhorfum og vinnubrögðum saminganefnda.

Fundarstjóri er Þóra Christiansen, aðjunkt við Viðskiptafræðideild Háskóla Íslands.