Kennsla íslensku og læsis

Menntavísindasvið

Örnám – 20 einingar

Námið er sniðið að starfsfólki í skóla- og frístundastarfi sem vill dýpka þekkingu sína á kennsluaðferðum nemenda með fjölbreyttan tungumála- og menningarbakgrunn.

Sækja um nám

Show Um hvað snýst námið?

Kennsla íslensku og læsis er 20 eininga örnámsleið sem ætlað er að styðja við kennara og aðra sem vinna í fjölbreyttum nemendahópum, með áherslu á málþroska, læsisfærni og kennslu fjöltyngdra barna.

Nemendur læra að þekkja og skilja íslenskunám barna með ólíkan tungumála og menningarbakgrunn og geti metið og aðlagað kennsluaðferðir sem ætlað er að mæta einstaklingsbundnum mállegum og námslegum þörfum barna með ólíkan tungumálabakgrunn.

Uppbygging náms

Námið er 20 einingar og er skipulagt sem hlutanánám í eitt ár.

Nemendur taka eftirfarandi námskeið:

Fjöltyngi og læsi, 10 einingar
Tengsl málþroska og læsis, 10 einingar

Fyrirkomulag kennslu

Kennsla og próf fara fram á íslensku.

Hægt að taka námið sem staðnám eða fjarnám í rauntíma.

Meginmarkmið

Markmið námsleiðarinnar er að þátttakendur þrói faglega færni og hæfni til að styðja við fjölbreyttan nemendahóp, með sérstakri áherslu á læsi og líðan.

Annað

Þeir sem ljúka örnámsleiðinni Kennsla íslensku og læsi geta fengið námið metið sem hluta af námsleiðinni Menntun allra og stoðþjónusta, M.Ed. 120 ECTS einingar, að öðrum skilyrðum uppfylltum.

Sjá M.Ed. nám í Menntun allra og stoðþjónusta

Skipulag náms

1. ár

Fjöltyngi og læsi (KME116F)

Námskeiðinu er ætlað að efla skilning og faglega þekkingu nemenda á þeim áhrifum sem fjöltyngi getur haft á þróun læsis. Fjallað verður um lestrarnám fjöltyngdra barna, sem tekur mið af ritkerfum tungumála þeirra, árangursríkar kennsluaðferðir í íslensku sem öðru máli fyrir nemendur á ólíkum aldri sem eru nýflutt til Íslands, en einnig með börnum sem eru fædd hér eða komu ung til landsins og þurfa gæðastuðning til námsárangurs. Fjallað verður um nýtt námsefni Íslenskur námsorðaforði og stigvaxandi fjölbreytni íslenskrar tungu: Námsefni og kennsluhættir með fjöltyngdum grunnskólanemendum, sem hlaut Vísinda- og nýsköpunarverðlaun HÍ í flokknum Samfélag vorið 2023. Námsefnið er styrkt Rannsóknasjóði HÍ, Markáætlun um tungu og tækni og Íslenskusjóðnum. Höfundar textanna, meistaranemar í ritlist, kynna þróun textagerðarinnar, þar sem orð af Lista yfir íslenskan námsorðaforða er komið fyrir og byggt á nýjum viðmiðum um íslenskt tungumál, frá einföldu til hins flóknara.

Þá eru nemendur hvattir til að beita gagnrýninni hugsun, að byggja á eigin reynslu og að nýta sér inntak námskeiðsins á sínu sérsviði. Námskeiðinu er enn fremur ætlað að vera stökkpallur fyrir stöðuga þekkingarleit, byggða á nýjum hágæðarannsóknum hér á landi og erlendis, sem leiðir til sífelldrar endurskoðunar og framfara í kennsluháttum með fjöltyngdum börnum.

Vinnulag: Kennsla fer fram bæði í tímum og á vef námskeiðsins. Fyrirlestrar eru settir eru á vef námskeiðsins og nemendur taka þátt í umræðum í rauntíma og á vef.

Nánar um námskeiðið