Djúptækni og innviðir

Vísindagarðar HÍ standa fyrir fundinum Djúptækni og innviðir þann 24. apríl kl.13-14. Grósku í Vatnsmýri. Um er að ræða fyrsta fund í fundaröð um Djúptækni og innviðauppbyggingu á Íslandi.

Hvað er Djúptækni?

Djúptækni (e. Deep-tech) er svið þar sem beitt er vísindalegri og verkfræðilegri nálgun, oft þverfaglegri, við þróun lausna. Djúptækni þróast upp úr og nýtir hefðbundin fræði svo sem efnistækni, eðlisfræði, verkfræði, líftækni, raunvísindi, læknisfræði, hönnun og listsköpun. Að baki nýjum lausnum á flóknum vandamálum á sviði djúptækni er oft áratuga löng vinna.

Hugmyndir, tækjabúnaður og aðferðir sem taka svo langan tíma í þróun þurfa á verulegu fjármagni að halda en ekki síður á stuðningi, þekkingu og reynslu aðila sem komið hafa að þróun og markaðssetningu lausna á sama sviði. Oft veldur djúptækni vísindalegri byltingu sem getur haft stórvægilegar breytingar í för með sér

Dagskrá:

Hvað er djúptækni? - Hans Guttormur Þormar, ráðgjafi á sviði djúptækni

Vísindagarðar HÍ og innviðauppbygging - Sigurður Magnús Garðarsson, stjórnarformaður Vg HÍ

Mikilvægi innviðauppbyggingar - Nanna Elísa Jakobsdóttir, viðskiptastjóri SI

Frumgerðar-/fínsmíðaverkstæði - Ásþór Tryggvi Steinþórsson frumkvöðull

Þarfir sprota fyrir innviði og aðstöðu

Alor, ný gerð rafhlaðna - Linda Fanney Valgeirsdóttir, framkvæmdastjóri

Akthelia og þarfir líftæknifyrirtækja - Eiríkur Steingrímsson meðstofnandi Akthelia og Arterna