Styrkir fyrir stökum námskeiðum

Eftirfarandi reglur gilda um úthlutun styrkja til nemenda vegna námsdvalar erlendis: 

• Nemendur við Háskóla Íslands eiga þess kost að sækja um styrki fyrir námsdvöl erlendis úr ýmsum sjóðum. Hver dvöl má ekki vera styrkt af fleiri en einum styrktarsjóði.
• Nemandi getur fengið styrk oftar en einu sinni á meðan á háskólanámi stendur, t.d. fyrir skiptinámi, starfsþjálfun og/eða stökum námskeiðum. Heildarfjöldi styrktra mánaða í Erasmus+/Aurora getur þó ekki farið umfram 12 mánuði á hverju námsstigi. 
• Nemendur geta sótt um styrk fyrir styttri námsdvöl erlendis í 5-30 daga. Nemandi á grunn- eða meistarastigi getur fengið að hámarki einn styrk á hverju skólaári vegna námskeiðsdvalar. Doktorsnemi getur fengið að hámarki einn styrk á hverju misseri til styttri dvalar og að hámarki 5 styrki á námstímanum. 
• Nemandi sem tekur þátt í blandaðri námsdvöl, þar sem hluti fer fram sem fjarnám á netinu, getur einungis fengið styrk vegna þess hluta sem fer fram á staðnum hjá gestastofnun erlendis. 
• Þurfi að velja á milli nemenda sem sótt hafa um styrk eða í sama skóla gilda reglur Alþjóðasviðs um forgangsröðun umsókna. 

Nemendur geta sótt um Erasmus+ styrk fyrir stöku námskeiði (5-30 dagar) við samstarfsskóla Háskóla Íslands í Evrópu. 

Umsóknarfrestir um Erasmus+ styrki fyrir stökum námskeiðum eru tvisvar á ári:

• 15. apríl - fyrir stök námskeið í júní-desember
• 15. nóvember - fyrir stök námskeið í janúar-maí

Hægt er að sækja um eftir umsóknarfrest en í slíkum tilfellum er nauðsynlegt að senda tölvupóst á shortmobility@hi.is og láta vita þegar umsókn hefur verið send inn. Umsóknir sem berast eftir umsóknarfrest eru ekki í forgangi fyrir styrk.

Nemendur geta sótt um Aurora styrk til þátttöku í stöku Aurora námskeiði sem haldið er við Aurora samstarfsskóla HÍ. Styrkveiting er háð því að styrkir séu í boði hverju sinni og styrkumsókn nemanda er samþykkt af Alþjóðasviði.

Umsóknarfrestir um Aurora styrki fyrir stökum námskeiðum eru tvisvar á ári:

• 15. apríl - fyrir stök námskeið í júní-desember
• 15. nóvember - fyrir stök námskeið í janúar-maí

Hægt er að sækja um eftir umsóknarfrest en í slíkum tilfellum er nauðsynlegt að senda tölvupóst á shortmobility@hi.is og láta vita þegar umsókn hefur verið send inn. Umsóknir sem berast eftir umsóknarfrest eru ekki í forgangi fyrir styrk.

Upphæðir miðast við styrkupphæðir í Erasmus+.