Miðbiksmat í eðlisfræði - Swetha Suresh Babu

Titill: Líkan af háaflspúlsaðri segulspætu með skotmark úr þungsteini

Doktorsefni: Swetha Suresh Babu

Doktorsnefnd:
Jón Tómas Guðmundsson, prófessor við Raunvísindadeild HÍ 
Snorri Þ. Ingvarsson, prófessor við Raunvísindadeild HÍ 
Daniel Lundin, dósent við Linköping Háskóla, Svíþjóð

Ágrip

Sett er fram líkan af jónunarsvæði háaflspúlsaðrar segulspætu með skotmark úr þungsteini. Með líkaninu má reikna hvernig þéttleiki mismunandi agna, sem og meðalorka rafeinda, breytist með tíma. Jafnframt eru fundnir innri rafgaseiginleikar eins og jónunarlíkur og líkur á að spættar agnir snúi aftur til skotmarks. Í upphafi hvers púls eru það argon jónir sem eru ráðandi í afhleðslunni, eða þar til þungsteinsjónir taka yfir og eru ráðandi jónir til loka púlsins. Sýnt er hvernig framlag W+ jóna til straumþéttleikans við skotmarkið eykst með aukinni spennu á bakskaut afhleðslunnar fyrir hámarks straumþéttleika á bilinu 0.33 - 0.73 A cm2 [1]. Fyrir spættan þungstein þá aukast jónunarlíkur en líkur á að spætt ögn snúi aftur til skotmarks fellur með aukinni spennu á bakskautið. Að auki verða niðurstöðurnar ræddar með hliðsjón af almenna endurvinnslu líkaninu og bornar sman við mældan ræktunarhraða, sem sýnir góða samsvörun. Líkanið er síðan borið saman við mælingar á agnaþéttleika og rafeindahitastigi með samanburði við mælingar byggðar á Thomson dreifingu, á hvernig rafeindaþéttleiki og rafeindahitastig breytist með tíma og smanburði við tímaháðum mælingum á útgeislun atóma og jóna.

[1] S. Suresh Babu et al. Plasma Sources Sci. Technol. 31 (2022) 065009