Staða ráðskvenna í sveit
![Staða ráðskvenna í sveit - á vefsíðu Háskóla Íslands](https://www.hi.is/sites/default/files/styles/efsta_mynd___vi_bur_um/public/dalrun_kaldakvisl_eygerdardottir_.jpeg?itok=YALCjEQ1)
Árnagarður
Stofa 311
Dalrún Kaldakvísl, doktor í sagnfræði, flytur fyrirlestur í Málstofu í félags- og hagsögu sem hún nefnir „Staða ráðskvenna í sveit á síðari hluta 20. aldar.“
Á síðari hluta 20. aldar gegndu ráðskonur mikilvægu hlutverki á íslenskum sveitabæjum. Í málstofunni fjallar Dalrún Kaldakvísl um félagslega stöðu ráðskvenna í sveit á síðari hluta 20. aldar. Þar beinir hún sjónum sínum annars vegar að stöðu þeirra kvenna áður en þær réðu sig til ráðskonustarfa og hins vegar að stöðu ráðskvenna í sjálfri vistinni. Samhliða kemur Dalrún inn á hvaða aðstæður til sveita skópu þörf fyrir ráðskonur á sveitaheimilum á þeim tíma. Erindið byggir á doktorsrannsókn Dalrúnar sem hún varði á síðastliðnu sumri.
Fyrirlesturinn fer fram í stofu 311 í Árnagarði, þriðjudaginn 15. nóvember kl. 16:00-17:00.
Hægt er að nálgast dagskrá Málstofu í félags- og hagsögu á haustmisseri vef Sagnfræðistofnunar. Málstofan er umræðuvettvangur fyrir hvers konar efni í félags- og hagsögu á hvaða tímabili sem er. Hún er með óformlegu sniði þar sem fólki gefst tækifæri til að kynna rannsóknir sínar, verk í vinnslu jafnt sem útgefin verk, prófa nýjar hugmyndir og kenningar eða taka fyrri rannsóknir til gagnrýnnar skoðunar. Á eftir framsögum er gefinn góður tími til fyrirspurna og almennra umræðna. Málstofan er á vegum kennara í sagnfræði og viðskiptafræði í Háskóla Íslands og umsjón hafa sagnfræðiprófessorarnir Erla Hulda Halldórsdóttir, Guðmundur Jónsson og Ragnheiður Kristjánsdóttir og Sveinn Agnarsson, prófessor í viðskiptafræði.
Dalrún Kaldakvísl.
![Staða ráðskvenna í sveit á síðari hluta 20. aldar](https://www.hi.is/sites/default/files/styles/mynd___kassa_fyrir_fr_ttir_/public/vidburdir/kk5xj.jpg?itok=-TSramcl)