Kynning á rannsóknarstofu raforkukerfa við HÍ
![Kynning á rannsóknarstofu raforkukerfa við HÍ - á vefsíðu Háskóla Íslands](https://www.hi.is/sites/default/files/styles/efsta_mynd___vi_bur_um/public/stjori/bakgrunnsmyndir2/1920_KRI_byggingar_200507_006.jpg?itok=fcbOHiGi)
VR-II
Stofa 148
Á málstofunni kynnir Dr. Zhao Yuan rannsóknir og menntunartækifæri nýstofnaðrar rannsóknarstofu raforkukerfa (EPSLab) við Háskóla Íslands. Viðfangsefni stofunnar eru meðal annars rafhlöðuorkugeymslukerfi (BESS), rekstur og stýringar raforkukerfa, raforkumarkaður og verðlagning, skynvædd flutningakerfi og flutningafræði
Tvö námskeið eru haldin við Rafmagns- og tölvuverkfræðideild á vegum starfsfólks stofunnar en það eru námskeiðin Rafmagnsvélar 1 og Greining raforkukerfa
Starfsfólk rannsóknarstofunnar er með sterk alþjóðlegt tengslanet, bæði við erlenda háskóla og atvinnulíf í Svíþjóð, Þýskalandi, Sviss, Kína og Bandaríkjunum og hefur birt fjölda greina í virtum vísindatímaritum t.d. í IEEE Transactions on Smart Grid and Applied Energy.
Um fyrirlesarann
Dr. Zhao Yuan er dósent við Rafmangs- og tölvuverkfræðideild HÍ og stjórnandi rannsóknarstofu raforkukerfa við HÍ. Hann starfaði áður sem vísindamaður við Swiss Federal Institute of Technology Lausanne (EPFL) og lauk doktorsprófi frá KTH Royal Institute of Technology (KTH), Comillas Pontifical University (COMILLAS) og Delft University of Technology (TU Delft) árið 2018.