Átjánda öldin: „Kínverska öldin“ í Evrópu
Þjóðarbókhlaða, fyrirlestrasalur
Ingemar Ottosson, dósent í sagnfræði við Háskólann í Lundi, flytur fyrirlestur á vegum Konfúsíusarstofnunarinnar Norðurljósa um aðdáun Evrópubúa á kínverskri menningu á 18. öld. Fyrirlesturinn fer fram í fyrirlestrasal Þjóðarbókhlöðunnar, fimmtudaginn 6. október kl. 11:45-13:15.
Einn merkilegur þáttur 18. aldar í Evrópu var almenn aðdáun á Kína og margvíslegum áhrifum frá kínverskri menningu, í fagurfræði sem og á öðrum sviðum. Hvers vegna gegndi Kína svo áberandi hlutverki í evrópskri siðmenningu í þá daga? Hvers vegna var þessi „chinoiserie“ loksins leyst af hólmi af öðrum straumum og má draga einhvern lærdóm af þessari sögu fyrir nútímann?
Ingemar Ottosson er dósent í sagnfræði við Háskólann í Lundi, en hann skrifaði doktorsritgerð sína þar sem fjallaði um alþjóðlegt samstarf á fjórða áratug síðustu aldar. Síðan þá hefur hann gefið út mikið efni um sögu Austur-Asíu. Nýjasta verk hans, „Power and Beauty. A Journey Through 18th-century Europe“ (2022), fjallar um lista- og hugmyndastrauma á Vesturlöndum.
Allir hjartalega velkomnir.
Ingemar Ottosson