Málþing: Systa í samstaðarígildinu
![Málþing: Systa í samstaðarígildinu - á vefsíðu Háskóla Íslands](https://www.hi.is/sites/default/files/styles/efsta_mynd___vi_bur_um/public/stjori/bakgrunnsmyndir2/1920_KRI_leikskoli_200526_018.jpg?itok=7B1dsXgF)
Veröld - Hús Vigdísar
Auðarsalur
Málþing um Systu megin, leiksögu Steinunnar Sigurðardóttur, verður haldið í Veröld, húsi Vigdísar, fimmtudaginn 10.mars kl 17:00.
Dagskrá:
Guðmundur Andri Thorsson hitar upp
Dr. Guðrún Steinþórsdóttir bókmenntafræðingur.
“Taktlaus og truntuleg mammfreskja.”
Lára Björnsdóttir, fv. félagsmálastjóri Reykjavíkurborgar.
Systa, ein af sterku konunum hennar Steinunnar.
Viðar Hreinsson bókmenntafræðingur.
Systa í samastaðarígildinu.
Steinunn Sigurðardóttir, höfundur Systu.
Er Systa til?
Dagskráin stendur til kl. 18:00 og boðið verður upp á léttar veitingar að henni lokinni.
Viðburðurinn er haldinn í samstarfi Vigdísarstofnunar og Forlagsins.
Um bókina:
Systu megin er hárbeitt og óvenjuleg saga um utangarðsfólk sem fær hér bæði rödd og ásýnd.
Systa býr ein í kjallarakompu við bágar aðstæður en hún ræður sér sjálf. Hún hefur losað sig að mestu undan ægivaldi Mömmu eins og Brósi, bróðir hennar og bandamaður í tilverunni. Saman hafa þau tekist á við harðan heim frá barnæsku en valið hvort sína leið, Brósi innan samfélagsins, Systa utan þess. Dagsdaglega dregur Systa fram lífið með dósasöfnun en þegar henni býðst aukið öryggi í skiptum fyrir frelsi er úr vöndu að ráða.
„Launfyndið og skemmtilegt skáldverk sem leikur sér að bókmenntaformi og atast í klisjukenndri hugsun. Steinunni Sigurðardóttur er einkar vel lagið að hrista upp í trénaðri orðræðu.“
Kristján Jóhann Jónsson / Fréttablaðið
„Systu megin er saga um það að vera utangarðs, um harða lífsbaráttu en líka um fegurð, frelsi og náungakærleik. Þetta er saga sem situr í manni, og lifir áfram með manni, þótt einföld sé og fær mann jafnvel til þess að sjá fólkið sem maður mætir á götu úti með nýjum augum.“
Ragnheiður Birgisdóttir / Morgunblaðið
Málþing um Systu megin, leiksögu Steinunnar Sigurðardóttur, verður haldið í Veröld, húsi Vigdísar, fimmtudaginn 10.mars kl 17:00.
![Málþing: Systa í samstaðarígildinu](https://www.hi.is/sites/default/files/styles/mynd___kassa_fyrir_fr_ttir_/public/vidburdir/q82v3.jpg?itok=E6E915S6)