Framandi en samt svo kunnuglegar
![Framandi en samt svo kunnuglegar - á vefsíðu Háskóla Íslands](https://www.hi.is/sites/default/files/styles/efsta_mynd___vi_bur_um/public/stjori/bakgrunnsmyndir2/1920_KRI_stjornmfr_160209_10xxx_2.jpg?itok=xV3xMpYV)
Veröld - Hús Vigdísar
Auðarsalur
Framandi en samt svo kunnuglegar
Hólmfríður Garðarsdóttir og Halldóra S. Gunnlaugsdóttir
Auðarsal, Veröld – húsi Vigdísar, 8. mars kl. 16.30-17.30
Hólmfríður Garðarsdóttir, prófessor í spænsku við Háskóla Íslands, og Halldóra S. Gunnlaugsdóttir, sjúkraþjálfari og þýðandi, fjalla um tilurð og þýðingarferli bókarinnar Langt að komnar: Sögur kvenna frá Mið-Ameríku. Í bókinni er að finna safn þýðinga á örsögum, smásögum og reynslusögum kvenna frá Gvatemala, Hondúras, El Salvador, Níkaragva, Kostaríku og Panama, en nær ekkert hefur áður verið þýtt á íslensku frá umræddum löndum. Sögurnar veita innsýn í líf og aðstæður kvenna við árþúsundamót og fjalla flestar um samskipti kynjanna, stéttskiptingu og valdatengsl. Lesið verður úr nokkrum verkanna til að veita innsýn í þann sérstaka menningar- og reynsluheim sem í bókinni kemur fyrir sjónir íslenskra lesenda í fyrsta sinn.
Framandi en samt svo kunnuglegar Hólmfríður Garðarsdóttir og Halldóra S. Gunnlaugsdóttir
![Framandi en samt svo kunnuglegar](https://www.hi.is/sites/default/files/styles/mynd___kassa_fyrir_fr_ttir_/public/vidburdir/5kwg4.jpg?itok=Ca2YpXnF)