Samband íslenskra sveitarfélaga styrkir meistaranema
Samband íslenskra sveitarfélaga hefur ákveðið að veita allt að þremur meistaranemum styrki til að vinna lokaverkefni á sviði sveitarstjórnarmála sem tengjast stefnumörkun Sambands íslenskra sveitarfélaga 2014-2018 (Sjá lista hér fyrir neðan um möguleg verkefni.) Til úthlutunar er að þessu sinni allt að 750.000 kr. og stefnt er að því að veita þrjá styrki.
Rafrænt umsóknarform, verklagsreglur vegna úthlutunar og Stefnumörkun Sambands íslenskra sveitarfélaga 2014-2018 er að finna á vef sambandsins, www.samband.is.
Í umsókn skal meðal annars koma fram greinargóð lýsing á verkefninu, markmiðum þess og hvernig það styður við stefnumörkun sambandsins.
Nánari upplýsingar veitir Valur Rafn Halldórsson, valur@samband.is, sími: 515-4915
Umsóknarfrestur er til miðnættis 10. febrúar 2016.
Verkefnalisti vegna styrkja Sambands sveitarfélaga til meistaranema 2016
Hér er listi yfir stefnumörkunarþætti og verkefni sem Samband íslenskra sveitarfélaga leggur áherslu á við styrkveitingar til meistaranema árið 2016.
Verkefni 1
Fjalla um mikilvægi sjálfsstjórnar sveitarfélaga og hvort verið sé að skerða sjálfsstjórnarrétt sveitarfélaga með einhverjum ákvörðunum eða stefnumótun ríkisins eða lagasetningu.
Tengist lið 3.1.2 í stefnumörkun Sambands íslenskra sveitarfélaga
Verkefni 2
Úttekt á tilraunum hérlendis og erlendis til að innleiða hverfalýðræði eftir sameiningar sveitarfélaga og meta möguleika.
Tengist lið 3.1.3 og 3.1.9 í stefnumörkun Sambands íslenskra sveitarfélaga
Verkefni 3
Innlendar og erlendar best practice aðferðir til samráðs við íbúa við skipulag þjónustu.
Tengist lið 3.1.9 í stefnumörkun Sambands íslenskra sveitarfélaga
Verkefni 4
Hvernig standa sveitarfélögin hvað varðar rafræna stjórnsýslu? Greining á stöðu og þróun vefja sveitarfélaga út frá niðurstöðum úttekta síðustu ára á opinberum vefjum.
Tengist lið 3.1.10 í stefnumörkun Sambands íslenskra sveitarfélaga
Verkefni 5
Úttekt á viðhorfum íbúa til rýmri heimilda til persónukjörs.
Tengist lið 3.1.12 í stefnumörkun Sambands íslenskra sveitarfélaga
Verkefni 6
Rannsókn á kjörsókn við sveitarstjórnarkosningar. Hvernig er hægt að auka kjörsókn? Hvernig er hægt að vekja áhuga fólks á kosningum?
Tengist lið 3.1.15 í stefnumörkun Sambands íslenskra sveitarfélaga
Verkefni 7
Úttekt á áhuga og forsendum sveitarfélaga til að taka þátt í evrópskum og norrænum samstarfsverkefnum og mat á leiðum til að auka þátttöku þeirra.
Tengist lið 3.1.19 í stefnumörkun Sambands íslenskra sveitarfélaga
Verkefni 8
Hvernig er fjárhagslegum samskiptum ríkis og sveitarfélaga í öðrum norrænum ríkjum hagað á eftirfarandi sviðum:
- Kostnaðarmat á nýjum lögum, reglugerðum og öðrum stjórnvaldsfyrirmælum.
- Fjármögnun nýrra og breyttra verkefna sem hafa kostnaðarauka/lækkun kostnaðar í för með sér.
- Samningar um millifærslu fjármuna frá ríki til sveitarfélaga.
Tengist lið 3.2.1 og 3.2.2 í stefnumörkun Sambands íslenskra sveitarfélaga
Verkefni 9
Hvaða kostnað bera sveitarfélögin (A-hluti) af álagningu VSK? Hvaða reglur gilda um álagningu VSK í öðrum norrænum ríkjum og er rétt að breyta reglum um VSK þannig að hann verði ekki til útgjaldaauka fyrir sveitarfélögin?
Tengist lið 3.2.3 í stefnumörkun Sambands íslenskra sveitarfélaga
Verkefni 10
Hvaða aðferðir eru hentugar til að tryggja sveitarfélögum auknar tekjur vegna fjölgunar erlendra ferðamanna?
Tengist lið 3.2.22 í stefnumörkun Sambands íslenskra sveitarfélaga
Verkefni 11
Fjalla um stöðu símenntunaráætlana sveitarfélaga.Tengist lið 3.2.33 í stefnumörkun Sambands íslenskra sveitarfélaga
Verkefni 12
Á hvern hátt hefur hagræðing í þjónustu ríkisins búið til grá svæði í þjónustu við börn sem búa við fötlun, sjúkdóma eða aðra sérstaka námsörðugleika?
Tengist lið 3.3.5 í stefnumörkun Sambands íslenskra sveitarfélaga
Verkefni 13
Hvernig geta leikskólar og grunnskólar aukið samstarf með það að markmiði að efla læsi, í víðum skilningi?
Tengist lið 3.3.12 í stefnumörkun Sambands íslenskra sveitarfélaga
Verkefni 14
Með hvaða hætti styðja sveitarfélög við starfsþróun kennara, stjórnenda og annarra starfsmanna leik- og grunnskóla? Hverju er það að skila?
Tengist lið 3.3.14 í stefnumörkun Sambands íslenskra sveitarfélaga
Verkefni 15
Hvernig samræmist inntak kennaranáms menntastefnu um skóla án aðgreiningar og þörfum skólastarfs, svo og markmiðum um kynjajafnrétti og fjölmenningarlegt samfélag? Hvernig hefur lenging kennaranámsins haft áhrif á inntak námsins?
Tengist lið 3.3.15 í stefnumörkun Sambands íslenskra sveitarfélaga
Verkefni 16
Hver er reynslan af samstarfi Vinnumálastofnunar og sveitarfélaga til þess að sporna gegn langtímaatvinnuleysi?
Tengist lið 3.3.23 og 3.3. 24 í stefnumörkun Sambands íslenskra sveitarfélaga
Verkefni 17
Fjalla um þróun tækni og nýsköpunar í velferðarþjónustu sveitarfélaga.
Tengist lið 3.2.26 í stefnumörkun Sambands íslenskra sveitarfélaga
Verkefni 18
Afla upplýsinga um nýsköpunar- og þróunarverkefni sveitarfélaga í stjórnsýslu og þjónustu, meta árangur þeirra og hvernig væri hægt að auka nýsköpunar- og þróunarstarf innan sveitarfélaga.
Tengist lið 2.8 og 3.3.26 í stefnumörkun Sambands íslenskra sveitarfélaga
Verkefni 19
Úttekt á kynjaskiptingu á vinnustöðum sveitarfélaga og aðgerðum til að jafna þann mun
Tengist lið 3.3.28 í stefnumörkun Sambands íslenskra sveitarfélaga
Verkefni 20
Á hvaða sviðum er þörf á að jafna réttarstöðu kvótaflóttamanna og annarra sem leita hælis hér á landi og tryggja þeim sambærilegan rétt til þjónustu og viðurkenningar í samfélaginu?
Tengist lið 3.3.29 í stefnumörkun Sambands íslenskra sveitarfélaga
Verkefni 21
Greining á þörf sveitarfélaga á stuðningi vegna innleiðingar barnasáttmálans.
Tengist lið 3.3.41 í stefnumörkun Sambands íslenskra sveitarfélaga
Verkefni 22
Hvernig standa sveitarfélögin sig í því að bæta lýðheilsu? Hvaða aðgerðir eru það sem skila mestum árangri á því sviði? Greining á þátttöku sveitarfélaga í verkefnum landlæknisembættisins á sviði lýðheilsu og öðru forvarnastarfi og mat á nauðsynlegum forsendum fyrir virkari þátttöku sveitarfélaga í slíku starfi.
Tengist lið 3.3.42 í stefnumörkun Sambands íslenskra sveitarfélaga
Verkefni 23
Hvernig geta sveitarfélögin bætt sig í tengslum við sjálfbæra þróun eða ýtt undir hana?
Tengist lið 3.4.10 í stefnumörkun Sambands íslenskra sveitarfélaga
Verkefni 24
Hver er reynslan af friðlýsingum og stofnun þjóðgarða hér á landi og á hvaða hátt er hægt að efla aðkomu sveitarfélaga að stjórnun slíkra svæða?
Tengist lið 3.4.13 og 3.4.14 í stefnumörkun Sambands íslenskra sveitarfélaga
Verkefni 25
Hvernig geta sveitarfélög og fleiri aðilar dregið úr neikvæðum áhrifum af aukinni umferð ferðamanna?
Tengist lið 3.4.15 í stefnumörkun Sambands íslenskra sveitarfélaga
Verkefni 26
Hvernig geta sveitarfélög dregið úr neikvæðum áhrifum loftslagsbreytinga og hafa þau þegar ráðist í slíkar aðgerðir?
Tengist lið 3.4.18 í stefnumörkun Sambands íslenskra sveitarfélaga
Verkefni 27
Hver er reynslan af samningum Vegagerðarinnar og landshlutasamtaka sveitarfélaga um framkvæmd almenningssamgangna á landsbyggðinni?
Tengist lið 3.4.20 í stefnumörkun Sambands íslenskra sveitarfélaga
