Sálfræði,einstaklingsbundið meistaranám

Heilbrigðisvísindasvið

Sálfræði

MS – 120 einingar

MS-nám í sálfræði er tveggja ára rannsóknartengt framhaldsnám við Sálfræðideild HÍ. Námið veitir nemendum kost á að afla sér framhaldsmenntunar á sérsviði innan sálfræðinnar. Nemendur þurfa að hafa tryggt sér leiðbeinanda áður en sótt er um þetta nám. Sálfræðideild býður einnig upp á nám í Hagnýtri sálfræði með kjörsviðum í klínískri sálfræði, megindlegri sálfræði og félagslegri sálfræði.

Sækja um nám

Um hvað snýst námið?

Meistaranám í sálfræði er fræðilegt framhaldsnám opið nemendum sem hafa lokið BA- eða BS-prófi í sálfræði með fyrstu einkunn.
Skilyrði fyrir inntöku í MS-námið er að hafa leiðbeinanda úr hópi fastra kennara.
Námið felur í sér þjálfun í vísindalegum vinnubrögðum og þátttöku í námskeiðum á framhaldsnámsstigi. Þungamiðja námsins er rannsóknarverkefni og skrif greina eða ritgerðar sem byggjast á því. Aðrar einingar fást með þátttöku í námskeiðum, málstofum eða lesnámskeiðum.

Rannsóknaráætlun vinnur nemandi í samvinnu við leiðbeinanda. Rannsóknaráætlun skal liggja fyrir við lok annars misseris.

Uppbygging náms

Námið er 120 einingar og er skipulagt sem fullt nám til tveggja ára en nemendur skulu ljúka námi á mest þrem árum.

Námið skiptist í:

Námskeið, 60 einingar
Meistaraverkefni, 60 einingar

Fyrirkomulag kennslu

Námið er kennt á íslensku en lesefni er á ensku.

Meginmarkmið

Meðal annars er miðað að því að nemendur öðlist:

getu til að vinna rannsókn á sjálfstæðan hátt
færni til þess að greina frá fræðilegum niðurstöðum
nákvæma þekkingu og skýran skilning á tilteknu rannsóknasviði innan sálfræðinnar

Annað

Námið veitir aðgang að doktorsnámi

Sjá doktorsnám í sálfræði

Vor
Verklag í vísindumV
Hugtakagreining í sálfræðiV
TölfræðiV

Verklag í vísindum (LÝÐ202F)

Námskeiðið veitir hagnýta leiðsögn við undirbúning rannsóknar. Heimildaöflun, tilgátuþróun og gerð yfirlitsgreinar (systematic critical review) á fræðasviði fyrirhugaðaðrar rannsóknar. Nemendur fá einnig þjálfun í að vinna rannsóknaráætlun og kynna hana.

Námskeiðið er ætlað nemendum á meistara- eða doktorsstigi sem hafa valið sér svið/rannsóknarspurningu lokaverkefnis.

Nemendur í MPH námi í lýðheilsuvísindum og MS námi í faralds- og líftölfræði verða að standast námskeiðið áður en vinna við lokaverkefni hefst.

Nánar um námskeiðið

Hugtakagreining í sálfræði (SÁL232M)

Megináhersla verður lögð á almannasálfræði (commonsense psychology) og hvernig forðast má að beita reynsluprófum á setningar sem tjá fyrirframþekkingu (a priori knowledge). Einnig verður fjallað um greiningu á gervitæknimáli (jargon) í sálfræði á íslensku og ensku; vitsmunakenningar um geðshræringar og hvernig greining á almannasálfræði nýtist í hugrænni atferlismeðferð.

Nánar um námskeiðið

Tölfræði (SÁL233M)

Viðfangsefni námskeiðsins er aðfallsgreining, túlkun niðurstaðna, mat á líkönum, líkanagerð og samanburð líkana. Gerð verður grein fyrir raunhæfri greiningu og mati á gæðum líkana. Fjallað verður m.a. umbreytingar, flokkabreytur og samvirkni.

Nánar um námskeiðið