Ágústa Rós Björnsdóttir, meistaranemi í uppeldis- og menntunarfræði
Það var á vormisseri 2013 sem fimm nemendur í starfstengdu diplómanámi fyrir fólk með þroskahömlun við Menntavísindasvið undirbjuggu og komu kaffihúsinu GÆS á laggirnar. Kaffihúsið var í Tjarnarbíói í Reykjavík og var vel sótt en þetta var sumarverkefni sem Reykjavíkurborg og Háskóli Íslands styrktu.
„Rannsóknin mín snýst um að fylgja þessum nemendum eftir, bæði á starfsnámstímabilinu og um sumarið, og skoða hvaða gildi verkefni sem þetta hefur fyrir líf þátttakenda og áhrif þess á samfélagið,“ segir Ágústa Rós Björnsdóttir, meistaranemi í uppeldis- og menntunarfræði, en hún var verkefnisstjóri diplómanámsins frá 2009 til 2013
Ágústa Rós Björnsdóttir
„Nemandi minn í diplómanáminu, Steinunn Ása Þorvaldsdóttir, kom að máli við mig haustið 2011 og sagði mér frá draumi sínum um að opna eigið kaffihús. Mér fannst hugmyndin frábær og langaði til að kanna hvort hún væri ekki framkvæmanleg.“
„Nemandi minn í diplómanáminu, Steinunn Ása Þorvaldsdóttir, kom að máli við mig haustið 2011 og sagði mér frá draumi sínum um að opna eigið kaffihús. Mér fannst hugmyndin frábær og langaði til að kanna hvort hún væri ekki framkvæmanleg. Ég hafði sjálf verið að leita mér að meistaraverkefni og fannst kjörið að sameina starfsnám nemenda minna og meistaraverkefni mitt og búa til eitthvað magnað,“ segir Ágústa.
Hún segir rannsóknina enn þá í vinnslu og því sé ekki hægt að tala um endanlegar niðurstöður. Margt bendi þót til að verkefnið hafi haft jákvæð áhrif bæði á þátttakendur og samfélagið með margvíslegum hætti. Gildi þess sé marg- þætt en fyrst og fremst megi nefna nýsköpun í atvinnumálum fólks með þroskahömlun. Það hafi meðal annars fengist staðfest þegar kaffihúsið hlaut Múrbrjótinn, verðlaun Þroskahjálpar fyrir nýsköpun í atvinnurekstri, og Hvatningarverðlaun Öryrkjabandalags Íslands.
Ágústa bendir einnig á að verkefnið hafi vakið bæði athygli og áhuga hjá almenningi. Því megi ætla að það hafi breytt viðhorfum margra til fólks með þroskahömlun. „Það má því segja að vísindalegt gildi verkefnisins sé fyrst og fremst að það hafi stuðlað að bættu samfélagi ásamt því að sýna fram á að nýbreytni og nýsköpun í atvinnumálum þessa hóps sé mikilvæg og vel framkvæmanleg,“ segir hún.
Leiðbeinandi: Anna Björk Sverrisdóttir, stundakennari við Íþrótta-, tómstunda- og þroskaþjálfadeild.