Dr. Bernhard Örn Pálsson, gestaprófessor við Háskóla Íslands og prófessor í lífverkfræði við University of California í San Diego.
Bernhard hefur hlotið 2,4 milljóna evra styrk frá Evrópska rannsóknarráðinu til að byggja upp rannsóknasetur í kerfislíffræði við Háskóla Íslands. Styrkurinn er sá stærsti sem runnið hefur til Háskóla Íslands og er bæði mikil viðurkenning og hvatning til Bernhards sjálfs og Háskólans.
Bernhard Örn Pálsson
Verkefnið er þríþætt, í fyrsta lagi að byggja efnaskiptanet, í öðru lagi að byggja reiknilíkön af efnaskiptaferlunum og í þriðja lagi að nýta líkönin og greiningu genamengja til að finna lyf til að stýra efnaferlum fruma úr mönnum.
Bernhard, sem er einn helsti frumkvöðull á sviði lífverkfræði í heiminum, mun veita setrinu forstöðu. Hann hefur verið leiðandi í lífverkfræðinni í aldarfjórðung og marka rannsóknir hans á sviðinu upphaf nýrra tíma í lífvísindum. Þegar styrkveitingin var kynnt við Háskólann lýsti Bernahard því yfir að markmiðið væri að hefja háhraðaleit að nýjum lyfjum.
Markmið Evrópska rannsóknarráðsins er að styðja við brautryðjandi rannsóknir færustu vísindamanna heims sem fara ótroðnar slóðir í rannsóknum sínum. Líklegt þykir að rannsóknir Bernhards og félaga muni hafa áhrif á skilning og þekkingu á sjúkdómsferlum í manninum. Rannsóknarverkefni Bernhards og Háskóla Íslands mun þannig ryðja brautina með því að nota aðferðir kerfislíffræðinnar við að greina efnaskiptaferla mannsins.
Verkefnið er þríþætt, í fyrsta lagi að byggja efnaskiptanet, í öðru lagi að byggja reiknilíkön af efnaskiptaferlunum og í þriðja lagi að nýta líkönin og greiningu genamengja til að finna lyf til að stýra efnaferlum fruma úr mönnum. Rannsóknarsetur í kerfislíffræði við Háskóla Íslands er samstarfsverkefni Heilbrigðisvísindasviðs og Verkfræði- og náttúruvísindasviðs, en kerfislíffræði er þverfræðileg í eðli sínu.