Tómstundadagurinn: Frístundastarf og farsæld barna

Tómstundadagurinn í ár verður haldinn í Hinu húsinu í Reykjavík, föstudaginn 13. október kl. 8.45-12.00.

Skráning fer fram hér: 
https://forms.office.com/e/uHBw8DDGBL

Tómstundadagurinn er fyrir öll sem starfa á vettvangi frítímans, hvort sem það er innan sveitarfélaganna eða í frjálsum félagasamtökum.

Á dagskrá eru erindi sem öll tengjast frístundastarfi og farsæld barna:

• Óttarr Proppé, verkefnastjóri í mennta- og barnamálaráðuneytinu í málefnum barna með fjölbreyttan tungumála- og menningarbakgrunn ætlar að segja okkur frá vinnu sem tengist frístundastarfi og farsæld barna.
• Amanda Karima Ólafsdóttir, deildarstjóri frístundadeildar í Kópavogi ætlar að segja okkur frá verkefninu Velkomin í Kópavog! Ungmenni úr Kópavogi verða með henni og segja frá sinni reynslu.
• Arnar Helgi Magnússon, tómstunda- og félagsmálafræðingur hjá velferðarþjónustu Árborgar ætlar að fjalla um farsæld barna í samstarfi félagsmiðstöðvar og barnaverndar.
• Steingerður Kristjánsdóttir, aðjunkt við Menntavísindasvið Háskóla Íslands mun segja frá rannsókn sinni og Kolbrúnar Þ. Pálsdóttur um fagmennsku í frístundaheimilum og tengslum farsældar og fagmennsku.

Á Tómstundadeginum verður einnig hafinn formlegur undirbúningur að nýjum samtökum frístundaheimila.

Jóhanna Ösp Einarsdóttir, tómstunda- og félagsmálafræðingur og tómstundafulltrúi í Reykhólahreppi ætlar að setja Tómstundadaginn og beina sjónum sínum að mikilvægi frístundastarfs fyrir farsæld barna í hinum dreifðu byggðum.

Ingimar Guðmundsson, tómstunda- og félagsmálafræðingur og forstöðumaður Bungubrekku í Hveragerði mun slíta Tómstundadeginum og kynna undirbúningshóp að stofnun nýrra samtaka frístundaheimila.

Soffía Pálsdóttir, skrifstofustjóri frístundasviðs Reykjavíkurborgar stýrir Tómstundadeginum. 

Að loknum erindum verður létt snarl og þátttakendur fá tækifæri til að ræða áskoranir og möguleika í frístundastarfi í tengslum við farsæld barna.