Siðfræði lífs og dauða í 30 ár

Siðfræðistofnun efnir til opins málþings í tilefni af útkomu 3. útgáfu bókarinnar Siðfræði lífs og dauða eftir Vilhjálm Árnason, prófessor emeritus í heimspeki við Háskóla Íslands.

Málþingið fer fram miðvikudaginn 24. apríl kl. 13:30 – 17:00 í Auðarsal (023) í Veröld. Verið öll velkomin.

Á dagskrá málþingsins verða sex málstofur sem hver um sig snýr að einstökum kafla bókarinnar Siðfræði lífs og dauða. Fyrirlesararnir hafa allir notað bókina í kennslu um árabil. Málstofurnar samanstanda af stuttu erindi og samtali við höfund bókarinnar Vilhjálm Árnason.

Dagskrá:

• 13:30–14: Hagnýting siðfræðinnar: Guðmundur Heiðar Frímannsson
• 14–14:30: Samskipti sjúklinga og heilbrigðisstétta: Aðalheiður Dagmar Matthíasdóttir
• 14:30–15:00: Ákvarðanir um meðferð og rannsóknir: Svava Sigurðardóttir
• Kaffihlé
• 15:30–16: Álitamál við upphaf lífs: Salvör Nordal
• 16–16:30: Álitamál við lok lífs: Svanur Sigurbjörnsson
• 16:30–17: Heilbrigðisstefna og lýðheilsa: Ástríður Stefánsdóttir